കർക്കടകം സ്പെഷ്യൽ കൊഴുക്കട്ട കഴിക്കാം

കർക്കടകത്തിൽ ദേഹബലവും രോഗപ്രതിരോധശക്തിയും വർദ്ധിപ്പിക്കാനായി ഔഷധ കഞ്ഞിയും മരുന്നും നമ്മൾ കഴിക്കാറുണ്ട്. അതുപോലെ വീട്ടിൽ കർക്കടകത്തിൽ കഴിക്കാനായി ഒരു കൊഴുക്കട്ട ഉണ്ടാക്കാം.

ചേരുവകൾ

നെയ്യ്, ഞവര അരി, തേങ്ങ, ജീരകം, ഉപ്പ്

തയാറാകുന്ന വിധം

ഞവര അരി കഴുകിയെടുത്തതിന് ശേഷം ആവശ്യത്തിനുള്ള വെള്ളവും ചേർത്ത് കുതിർത്തെടുക്കുക.

കുതിർത്ത് വെച്ചിരിക്കുന്ന അരി വെള്ളം ചേർക്കാതെ അരച്ചെടുക്കുക.

തേങ്ങയും ജീരകവും ചതച്ചെടുക്കുക. ഇത് അരച്ചെടുത്ത് അരിയില്‍ നെയ്യും ചേർത്ത് കുഴച്ചെടുത്ത് ചെറിയ ഉരുളകളായി ഉരുട്ടിയെടുക്കുക.

അതിനുശേഷം, ആവിയിൽ വേവിച്ച് എടുക്കുക. സ്വാദിഷ്ടമായ ഞവര അരി കൊഴുക്കട്ട തയാർ. ഇത് ആരോഗ്യത്തിന് വളരെ നല്ലതാണ്