മോഷൻ സിക്ക്നെസ് എങ്ങനെ തടയാം

യാത്രയ്ക്കിടെ പലരെയും അലട്ടുന്ന ഒരു പ്രധാന പ്രശ്നമാണ് മോഷന്‍ സിക്നെസ് .

അതായത് യാത്രയ്ക്കിടെ ഉണ്ടാകുന്ന ഛ‍ർദ്ദി, മനംപുരട്ടൽ, തലവേദന, തള‍ർച്ച എന്നിവ.

എന്നാല്‍ മോഷൻ സിക്നെസ് ഇല്ലാതെ യാത്ര ആസ്വദിക്കാന്‍ ഈ കാര്യങ്ങള്‍ ശ്രദ്ധിക്കാം.

വിന്‍ഡോ അല്ലെങ്കില്‍ എസി

വാഹനത്തിലും ഇടുങ്ങിയ മുറികളിലും അധിക സമയം ചിലവഴിക്കുന്നത് ചിലരില്‍ മനംപുരട്ടൽ ഉണ്ടാക്കിയേക്കാം. അതിനാൽ യാത്ര ചെയ്യുമ്പോൾ വാഹനത്തിലെ വായു സഞ്ചാരം ഉറപ്പാക്കുക.

ഭക്ഷണം

മോഷൻ സിക്നെസിന് സാധ്യതയുള്ളവർ യാത്രയ്ക്ക് മുമ്പ് വയറു നിറയെ ഭക്ഷണം കഴിക്കരുത്. എണ്ണമയമുള്ളതോ എരിവുള്ളതോ അസിഡിറ്റി ഉണ്ടാക്കുന്നതോ ആയ ഭക്ഷണങ്ങൾ പരമാവധി ഒഴിവാക്കുക. യാത്രയിൽ നോൺ-വെജ് ഭക്ഷണം കഴിക്കുന്നത് കഴിവതും ഒഴിവാക്കാൻ ശ്രദ്ധിക്കുക.

പുളിയുള്ളവ കഴിക്കുക

പുളിയുള്ള മിഠായികളും ചെറുനാരങ്ങയും മോഷൻ സിക്നെസ് ഒരു പരിധി വരെ നിയന്ത്രിക്കാൻ സഹായിക്കും. ഇത്തരം മിഠായികളും മറ്റും വായിൽ ഇട്ടു കൊണ്ട് യാത്ര ചെയ്യുക. ഇതുവഴി നിങ്ങൾക്ക് അൽപ്പം സുഖം തോന്നും.

വെള്ളം കുടിക്കുക

വെള്ളം കുടിച്ച് ശരീരത്തിലെ ജലാംശം നിലനിർത്തുന്നതും മോഷൻ സിക്ക്നെസ്സിനെ തടയുന്നതിനുള്ള മാർഗമാണ്. മദ്യവും കഫീനും ഉൾപ്പെടെ പാനീയങ്ങൾ പരിമിതപ്പെടുത്തുന്നതും ഈ അസുഖത്തെ ചെറുക്കും.

സംഗീതവും മരുന്നുകളും

മുകളിൽ പറഞ്ഞ വഴികൾ ഫലപ്രദമായില്ലെങ്കിൽ അവസാന ആശ്രയം മരുന്നാണ്. മോഷൻ സിക്നെസ് തടയാൻ സഹായിക്കുന്ന ഗുളിക ലഭ്യമാണ്. അതുപോലെ തന്നെ പാട്ട് കേട്ടു കൊണ്ടിരിക്കുന്നതും ആശ്വാസം പകരും.