ഒറ്റനോട്ടത്തിൽ നല്ല കൂൺ തിരിച്ചറിയാം

നാരുകളാലും ആന്റിഓക്സിഡന്റുകളാലും സമ്പുഷ്ടമാണ് കൂൺ.

ആരോ​ഗ്യത്തിന്റെ കാര്യത്തിൽ മാത്രമല്ല രുചിയുടെ കാര്യത്തിലും ആശാൻ മുന്നിലാണ്.

എന്തുണ്ടാക്കിയാലും നല്ല രുചിയായത് കൊണ്ട് തന്നെ മിക്കവരുടേയും ഇഷ്ട വിഭവം കൂടിയാണ് കൂൺ.

എന്നാൽ കൂൺ ഇഷ്ടമാണെങ്കിലും നല്ലതാണോ ചീത്തതാണോ എന്ന് തിരിച്ചറിയുക ‌പലർക്കും ബുദ്ധിമുട്ടുള്ള കാര്യമാണ്.

ഭക്ഷ്യ യോഗ്യമായ കൂണുകളും വിഷ കൂണുകളും എങ്ങനെ തിരിച്ചറിയാം എന്ന് നോക്കാം.

വെളുത്ത ചെകിളകളുള്ള കൂണുകള്‍ പറിക്കുന്നത് ഒഴിവാക്കുക. മാരകമായ പല അമാനിറ്റാ ഇനങ്ങള്‍ക്കും ഈ സ്വഭാവമുണ്ട്.

തണ്ടില്‍ തള്ളിനില്‍ക്കുന്നതോ മോതിരം പോലുള്ളതോ ആയ ഭാഗവും, ചുവട്ടില്‍ ഉരുണ്ടതോ സഞ്ചിപോലുള്ളതോ ആയ ഭാഗവും ഉള്ള കൂണുകള്‍ ഒഴിവാക്കാം. ഇവ കടുത്ത വിഷമുള്ള ഇനങ്ങളുടെ സാധാരണ ലക്ഷണങ്ങളാണ്.

കുടയിലോ തണ്ടിലോ ചുവപ്പ് നിറമുള്ള കൂണുകള്‍ ഒഴിവാക്കണം. വിഷമുള്ള പല ഇനങ്ങള്‍ക്കും ചുവപ്പ് നിറമുണ്ട്.

ഉറപ്പുള്ളതും, ചതവുകളോ വഴുവഴുപ്പോ ദുര്‍ഗന്ധമോ ഇല്ലാത്തതുമായ കൂണുകള്‍ തിരഞ്ഞെടുക്കുക.

വെള്ള, തവിട്ട്, അല്ലെങ്കില്‍ ക്രീം നിറമുള്ള കൂണുകള്‍ നോക്കി വാങ്ങുക.

കുടകള്‍ തണ്ടിനോട് ചേര്‍ന്ന് അടഞ്ഞതോ ചെറുതായി മാത്രം തുറന്നതോ ആയിരിക്കണം. ചെകിളകള്‍ ഇറുകിയതും ഇളം നിറമുള്ളതും ആയിരിക്കണം.

കൂൺ മഞ്ഞൾപ്പൊടി കലർത്തിയ വെള്ളത്തിലിട്ട് പതിനഞ്ച് മിനിറ്റ് വയ്ക്കുക. അപ്പോൾ നീല നിറമാകുന്നത്.

വൃത്തിയായി മുറിച്ച തണ്ടുകളുള്ളതും അഴുകലിന്റെ ലക്ഷണങ്ങള്‍ ഇല്ലാത്തതുമായ കൂണുകള്‍ തിരഞ്ഞെടുക്കുക.