രാവിലത്തെ ആ 'സ്റ്റാർട്ടിങ് ട്രബിൾ' ദേ ഇങ്ങനെ പരിഹരിക്കാം; ദിവസം പോസിറ്റീവായി തുടങ്ങാൻ ചില ടിപ്സ്

തുടക്കം നന്നായില്ലെങ്കില്‍ ആ ദിവസം തന്നെ മോശമാകും. രാവിലെ കിടക്കയില്‍ നിന്ന് തുടങ്ങുന്ന സ്റ്റാട്ടിങ് ട്രബിള്‍ നമ്മുടെ ആ ദിവസത്തെ മുഴുവന്‍ ബാധിച്ചേക്കാം. ആ സ്റ്റാട്ടിങ് ട്രബിള്‍ ഒഴിവാക്കി ആ ദിവസം ഉന്മേഷത്തോടെ തുടങ്ങാന്‍ ഇതാ ചില ടിപ്സ്.

ഒരു ഗ്ലാസ് ചെറു ചൂടുവെള്ളം

രാവിലെ എഴുന്നേറ്റാലുടന്‍ ചെറു ചൂടോടെ ഒരു ഗ്ലാസ് വെള്ളം കുടിക്കുന്ന ശീലം ആ ദിവസം ഏറ്റവും മികച്ച രീതിയില്‍ ആരംഭിക്കുന്നതിന് നിങ്ങളെ സഹായിക്കും.

രാത്രിയിലെ നീണ്ട വിശ്രമത്തിന് ശേഷം ശരീരത്തില്‍ ജലാംശം എത്താന്‍ ഇത് സഹായിക്കും. കൂടാതെ മെറ്റബോളിസം വര്‍ധിപ്പിക്കാനും നീണ്ട ഇടവേളയ്ക്ക് ശേഷം വെള്ളം കുടിക്കുന്നത് നല്ലതാണ്.

മെഡിറ്റേഷന്‍

മെഡിറ്റേഷന്‍ രാവിലെ തന്നെ ജീവിതചര്യയുടെ ഭാഗമാക്കുന്നതിലൂടെ മനസ് ശാന്തമാകാനും, ഉന്മേഷവും പോസിറ്റീവായി നിങ്ങളുടെ ദിവസം ആരംഭിക്കാന്‍ സഹായിക്കുന്നു.

നടത്തം

രാവിടെ എഴുത്തേറ്റ ശേഷം വീടിന് പുറത്തേക്ക് ഒന്ന് നടക്കാനുറങ്ങുന്നത് ശുദ്ധവായു ലഭിക്കാനും ശരീരത്തിന് ആവശ്യമായ സൂര്യപ്രകാശം കിട്ടാനും സഹായിക്കും. ഇത് നിങ്ങളുടെ ദിവസം ആരംഭിക്കാന്‍ മാനസികമായി ഉന്മേഷവും ഊര്‍ജ്ജവും നല്‍കുന്നു.

ശ്വസന വ്യായാമം

ശ്വസന വ്യായാമം ചെയ്യുന്നത് ശരീരത്തിനുള്ളില്‍, പ്രത്യേകിച്ച് തലച്ചോറിലേക്കുള്ള ഓക്‌സിജന്‍ സഞ്ചാരം വര്‍ധിപ്പിക്കും. ഇത് ഏകാഗ്രതയും ശ്രദ്ധയും കൂട്ടും.

'പ്ലാന്‍ യുവര്‍ ഡേ'

തുടക്കത്തില്‍ തന്നെ ആ ദിവസത്തെ കുറിച്ച് പ്ലാന്‍ ചെയ്യുന്നത് ജോലികള്‍ ക്രമപ്പെടുത്താനും സമയം പാലിക്കാനും സഹായിക്കും. ഇത് ആ ദിവസത്തെ ആയാസം കുറയ്ക്കും. ഇത് നിങ്ങള്‍ക്ക് ദിവസം മാനേജ് ചെയ്യാനും പ്രൊഡക്ടറ്റീവ് ആക്കാനും സഹായിക്കും.

കുളി

രാവിലെത്തെ കുളി നിങ്ങളുടെ ദിവസം കൂടുതല്‍ ഉന്മാഷമുള്ളവരാക്കാന്‍ സഹായിക്കും. ഇത് മാനസികാവസ്ഥ മെച്ചപ്പെടുത്തും.

ഡയറി എഴുത്ത്

സംതൃപ്തി നല്‍കുന്ന കാര്യങ്ങളെ കുറിച്ച് ചിന്തിക്കുകയും എഴുതുകയും ചെയ്യുന്നത് നിങ്ങള്‍ക്ക് മാനസികമായ സമാധാനവും ദിവസം പോസിറ്റീവ് ആയി തുടങ്ങാന്‍ സഹായിക്കുകയും ചെയ്യുന്നു.