ക്യാബേജ് അണുവിമുക്തമാക്കാം, ഇങ്ങനെ ചെയ്യൂ

ക്യാബേജിന് കൂടുതൽ ഇലകൾ ഉള്ളതുകൊണ്ട് തന്നെ അഴുക്കും അണുക്കളും പറ്റിയിരിക്കാനുള്ള സാധ്യത വളരെ കൂടുതലാണ്. അതിനാൽ ഒന്നിൽ കൂടുതൽ തവണ കഴുകണം.

ബേജ് അണുവിമുക്തമാക്കാൻ ചെയ്യേണ്ട കാര്യങ്ങൾ എന്തൊക്കെയാണെന്ന് അറിയാം.

ക്യാബേജിന്റെ കേടുവന്ന പുറം ഇല ഒഴിവാക്കാം. കാരണം ഇതിലാണ് കൂടുതലും അഴുക്കും അണുക്കളും ഉണ്ടാവാൻ സാധ്യതയുള്ളത്.

കഴുകുന്നതിന് മുമ്പ് ഓരോ ഇലകളായി വേർതിരിക്കണം. ഇത് കീടങ്ങളേയും അഴുക്കിനെയും എളുപ്പം നീക്കം ചെയ്യാൻ സഹായിക്കുന്നു.

ഇല കളഞ്ഞതിന് ശേഷം പകുതിയായി ക്യാബേജ് മുറിച്ചെടുക്കാം. അതേസമയം ക്യാബേജിന്റെ കട്ടിയുള്ള തണ്ട് മുറിച്ചു മാറ്റാൻ മറക്കരുത്.

ക്യാബേജ് ഉപ്പ് വെള്ളത്തിൽ കഴുകുന്നത് അണുക്കളെ ഇല്ലാതാക്കാൻ സഹായിക്കുന്നു. പാത്രത്തിൽ കുറച്ച് വെള്ളമെടുത്തതിന് ശേഷം അതിലേക്ക് ഉപ്പ് ചേർക്കാം. ശേഷം ക്യാബേജ് വെള്ളത്തിലിട്ടാൽ മതി .

പാത്രത്തിൽ വെള്ളമെടുത്തതിന് ശേഷം അതിലേക്ക് ഒരു ടേബിൾസ്പൂൺ വിനാഗിരി ചേർക്കാം. ശേഷം ഇതിലേക്ക് 5 മിനിറ്റ് ക്യാബേജ് ഇട്ടുവെച്ചാൽ ക്യാബേജിലെ അണുക്കളെ ഇല്ലാതാക്കാം

അവസാനം ചെറുചൂട് വെള്ളത്തിൽ കൂടെ ക്യാബേജ് കഴുകാം. ഇത് ക്യാബേജിൽ പറ്റിയിരിക്കുന്ന അഴുക്കിനെയും അണുക്കളെയും എളുപ്പം ഇല്ലാതാക്കാൻ സഹായിക്കും.