ഭക്ഷണ സാധനങ്ങൾ ബാക്കി വന്നോ? കേടുവരാതെ സൂക്ഷിക്കാം

ഭക്ഷണ സാധനങ്ങൾ ശരിയായ രീതിയിൽ സൂക്ഷിച്ചില്ലെങ്കിൽ എളുപ്പം കേടായിപ്പോകും. പ്രത്യേകിച്ചും പാകം ചെയ്ത ഭക്ഷണങ്ങൾ.

ഭക്ഷണ സാധനങ്ങൾ കേടുവരാതെ സൂക്ഷിക്കേണ്ടത് എങ്ങനെയാണെന്ന് അറിയാം.

റൂം ടെമ്പറേച്ചർ

പാകം ചെയ്ത ഭക്ഷണ സാധനങ്ങൾ അധികം നേരം റൂം ടെമ്പറേച്ചറിൽ സൂക്ഷിക്കാൻ പാടില്ല. രണ്ട് മണിക്കൂറിൽ കൂടുതൽ പുറത്ത് വെയ്ക്കുന്നത് ഒഴിവാക്കാം. ഇത് അണുക്കൾ ഉണ്ടാവാനും ഭക്ഷണം പെട്ടെന്ന് കേടുവരാനും കാരണമാകുന്നു.

തണുപ്പ് മാറണം

ചൂടുള്ള ഭക്ഷണ സാധനങ്ങൾ നന്നായി തണുപ്പ് ആറിയതിന് ശേഷം മാത്രം ഫ്രിഡ്ജിൽ വെയ്ക്കുക. താപനിലയിൽ പെട്ടെന്ന് ഉണ്ടാകുന്ന മാറ്റം ഭക്ഷണം കേടുവരാൻ കാരണമാകുന്നു. ചൂടുള്ള ഭക്ഷണങ്ങൾ കുറഞ്ഞത് അര മണിക്കൂറെങ്കിലും തണുക്കാൻ പുറത്തു വെയ്ക്കണം.

ഉപയോഗം

ഫ്രിഡ്ജിൽ സൂക്ഷിച്ച ഭക്ഷണ സാധനങ്ങൾ ഒരു തവണ മാത്രമേ ഉപയോഗിക്കാൻ പാടുള്ളു. ഒന്നിൽകൂടുതൽ തവണ ഫ്രിഡ്ജിൽ സൂക്ഷിക്കുന്നത് ഭക്ഷണം എളുപ്പം കേടുവരാൻ കാരണമാകും.

ഭക്ഷണ സാധനങ്ങൾ

ഓരോ ഭക്ഷണത്തിനും അതിന്റേതായ ഗുണങ്ങളും ദോഷങ്ങളുമുണ്ട്. അത് മനസിലാക്കിയാവണം ഭക്ഷണ സാധനങ്ങൾ സൂക്ഷിക്കേണ്ടത്. ജലാംശം കൂടുതലുള്ള ഭക്ഷണങ്ങൾ പെട്ടെന്ന് കേടുവരാൻ സാധ്യതയുണ്ട്. അതിനാൽ തന്നെ ഇത്തരം ഭക്ഷണങ്ങൾ പ്രത്യേകം സൂക്ഷിക്കാൻ ശ്രദ്ധിക്കണം.