പെർഫക്ടായി സാരി ഉടുക്കാം

പലര്‍ക്കും അത്രയ്ക്കു എളുപ്പമല്ല സാരി ഉടുക്കുന്നത്.

ചില പ്രത്യേക ദിവസങ്ങളിലും ചടങ്ങുകളിലും ഒക്കെ സാരി ഉടുക്കാൻ ആഗ്രഹിക്കുന്നവർ ഉണ്ടാവും. എന്നാല്‍ സാരി ഊരിപ്പോകുമോ എന്നോർത്ത് പലര്‍ക്കും പേടിയാണ്.

സാരി ഉടുക്കുമ്പോള്‍ ശ്രദ്ധിക്കേണ്ട ചില കാര്യങ്ങൾ ഇവയാണ്.

ചെരുപ്പിട്ട് സാരിയുടുക്കാം

അല്‍പം ഹീലുള്ള ചെരുപ്പിട്ടതിന് ശേഷം സാരി ഉടുക്കുക. ഹീലിടുമ്പോള്‍ ശരീരത്തിന് നല്ല ഷെയ്പ്പ് കിട്ടുന്നത് പോലെ തോന്നും.

വലിയ ഞൊറികള്‍ ഒഴിവാക്കാം

സാരി ഉടുക്കുമ്പോള്‍ വലിയ ഞൊറികള്‍ ഒഴിവാക്കി ചെറിയ ഞൊറികൾ എടുത്ത്,നന്നായി ടക്ക് ഇൻ ചെയ്യാൻ വേണമെങ്കിൽ ഒരു സേഫ്റ്റി പിന്നും ഉപയോഗിക്കാം. ഹെയർ സ്ട്രെയ്റ്റ്നർ വച്ച് ഞൊറി ഒന്ന് ഒതുക്കി കൊടുക്കുന്നതും നന്നായിരിക്കും.

സെലക്ഷൻ മുഖ്യം

സാരിയുടുക്കുമ്പോള്‍ സ്ലീം ലുക്ക് തോന്നാന്‍ ഒതുങ്ങിയിരിക്കുന്ന ഫാബ്രിക്കിലുള്ള സാരികള്‍ തിരഞ്ഞെടുക്കാന്‍ പ്രത്യേകം ശ്രദ്ധിക്കുക. കാരണം, നല്ല ഹെവി വര്‍ക്കുള്ളതും, ഒതുങ്ങി നില്‍ക്കാത്തതുമായ ഫാബ്രിക്കിലുള്ള സാരികള്‍ അടുക്കുമ്പോൾ നമുക്ക് ഉള്ളതിനേക്കാള്‍ അമിതമായി വണ്ണം തോന്നിച്ചേക്കാം.

വണ്ണം കുറയ്ക്കാന്‍ സിങ്കിള്‍ പ്ലീറ്റ്

അമിതമായി വണ്ണം ഉള്ളവര്‍ സിങ്കിള്‍ ലെയര്‍ ആയി സാരി ഉടുക്കുന്നതായിരിക്കും നല്ലത്. ഇത് ശരീരം ഒതുങ്ങിയിരിക്കുന്നതായി തോന്നിപ്പിക്കും. ഇനി പ്ലീറ്റഡ് ആയിട്ടാണെങ്കിൽ അത് നല്ല വൃത്തിയില്‍ എടുക്കാന്‍ ശ്രദ്ധിക്കുക. ശരീരത്തോട് ചേര്‍ന്ന് കിടക്കുന്ന വിധത്തില്‍ പ്ലീറ്റ് ഒതുക്കി ഉടുക്കാന്‍ ശ്രദ്ധിക്കുന്നത് നല്ലതാണ്.

അടിപ്പാവാട രണ്ടെണ്ണം വേണ്ട

സാരി ഉടുക്കുമ്പോള്‍ രണ്ട് അണ്ടര്‍ സ്‌കേര്‍ട്ട് ഉപയോഗിക്കാതിരിക്കുക. ഇത് കൂടുതല്‍ വണ്ണം തോന്നിപ്പിക്കും. ഷേയ്പ്പുള്ള അണ്ടര്‍ സ്‌കേര്‍ട് ഉപയോഗിക്കുക. കോട്ടണ്‍ അടിപ്പാവാട ധരിക്കുന്നതാണ് സാരി ഉടുക്കുമ്പോള്‍ ഏറ്റവും നല്ലത്.