ഇതാണ് ഇന്ത്യയിലെ ഏറ്റവും വലിയ റെയിൽവേ സ്റ്റേഷൻ...

ഇന്ത്യയിലെ റെയിൽവേയെന്നത് ലോകത്തിലെ ഏറ്റവും വലിയതും തിരക്കേറിയതുമായ ഗതാഗത ശൃംഖലകളിലൊന്നാണ്.

ദിവസേന ലക്ഷക്കണക്കിന് യാത്രക്കാരെ ലക്ഷ്യസ്ഥാനങ്ങളിലെത്തിക്കുന്ന ഈ സംവിധാനത്തിൽ നിരവധി വമ്പൻ സ്റ്റേഷനുകളും ഉൾപ്പെടുന്നു.

ഇതിൽ പശ്ചിമബംഗാളിലെ കൊൽക്കത്ത നഗരത്തിന് സമീപമായി സ്ഥിതിചെയ്യുന്ന ഹൗറ ജംഗ്ഷനാണ് ഏറ്റവും വലിയ റെയിൽവേ സ്റ്റേഷൻ.

ഇന്ത്യയിലെ ഏറ്റവും തിരക്കേറിയ റെയിൽവേ സ്റ്റേഷനുകളിലൊന്ന് കൂടായാണ് ഹൗറ ജംഗ്ഷൻ.

1854-ൽ പ്രവർത്തനം ആരംഭിച്ച ഈ ചരിത്രപ്രാധാന്യമുള്ള സ്റ്റേഷൻ, ഇന്നും രാജ്യത്തിന്റെ പ്രധാന ഗതാഗത ഹബ്ബായി തുടരുന്നു.

ദിനംപ്രതി ലക്ഷക്കണക്കിന് യാത്രക്കാരെയും നൂറുകണക്കിന് ട്രെയിനുകളെയും കൈകാര്യം ചെയ്യുന്ന ഹൗറ ജംഗ്ഷൻ, കിഴക്കന്‍, വടക്കുകിഴക്കന്‍ ഇന്ത്യയിലേക്കുള്ള ഒരു പ്രധാന കവാടമായും പ്രവര്‍ത്തിക്കുന്നു.

20 ലധികം പ്ലാറ്റ്ഫോമുകളും, 25 ൽ കൂടുതൽ ട്രാക്ക് സംവിധാനവും ഉള്ള ഈ സ്റ്റേഷൻ, ഇന്ത്യൻ റെയിൽവേയുടെ ശക്തിയും വ്യാപ്തിയും പ്രതിഫലിപ്പിക്കുന്ന ഒരു മികച്ച ഉദാഹരണമാണ്.

പ്രശസ്തമായ ഹൗറ പാലത്തിന് സമീപം സ്ഥിതി ചെയ്യുന്ന ഈ സ്റ്റേഷനിലൂടെ നൂറുകണക്കിന് ട്രെയിനുകളാണ് ഓരോ ദിവസവും കടന്നുപോകുന്നത്.

ഡല്‍ഹി, മുംബൈ, ചെന്നൈ, ബെംഗളൂരു തുടങ്ങിയ പ്രധാന നഗരങ്ങളെയും കിഴക്കന്‍ ഇന്ത്യയിലുടനീളമുള്ള പ്രധാന ലക്ഷ്യസ്ഥാനങ്ങളെയും ബന്ധിപ്പിക്കുന്ന റൂട്ടുകള്‍ സ്റ്റേഷന്‍ കൈകാര്യം ചെയ്യുന്നുണ്ട്.

റോഡുകള്‍, ബസുകള്‍, ഫെറികള്‍ എന്നിവയിലൂടെ കൊല്‍ക്കത്തയുടെ മറ്റ് ഭാഗങ്ങളുമായി ഈ സ്റ്റേഷന്‍ ബന്ധപ്പെട്ടിരിക്കുന്നു.