സമകാലിക മലയാളം ഡെസ്ക്
പ്രമുഖ വാഹന നിര്‍മ്മാതാക്കളായ ഹ്യുണ്ടായ് മോട്ടോര്‍ ഇന്ത്യയുടെ ഐപിഒ ഒക്ടോബര്‍ 15 മുതല്‍
28000 കോടിയുടെ ഐപിഒയുടെ പ്രൈസ് ബാന്‍ഡ്: ഒരു ഓഹരിക്ക് 1865-1960
രണ്ടു പതിറ്റാണ്ടിനിടെ മാരുതി സുസുക്കിക്ക് ശേഷം ഐപിഒയുമായി വരുന്ന ആദ്യ കാര്‍ നിര്‍മ്മാതാക്കളാണ് ഹ്യുണ്ടായ്. 2003ലാണ് മാരുതി സുസുക്കി വിപണിയില്‍ ലിസ്റ്റ് ചെയ്തത്
ഒക്ടോബര്‍ 15 മുതല്‍ 17 വരെയാണ് ഐപിഒ. ആങ്കര്‍ നിക്ഷേപകര്‍ക്ക് (വന്‍കിട നിക്ഷേപകര്‍ക്ക്) തൊട്ടുമുന്‍പത്തെ ദിവസമായ ഒക്ടോബര്‍ 14ന് ഐപിഒയ്ക്കായി അപേക്ഷിക്കാം
ഹ്യുണ്ടായ് മോട്ടോര്‍ ഇന്ത്യയുടെ ഐപിഒ ഇന്ത്യയിലെ ഏറ്റവും വലിയ പ്രാരംഭ ഓഹരി വില്‍പ്പനയാണ്. ഓഹരി വില്‍പ്പനയിലൂടെ 27,870 കോടി രൂപ സമാഹരിക്കാനാണ് പദ്ധതി. എല്‍ഐസിയുടെ 21,000 കോടിയുടെ ഐപിഒയെ ഹ്യുണ്ടായ് മറികടന്ന് റെക്കോര്‍ഡ് ഇട്ടേക്കും.
'ഓഫര്‍ ഫോര്‍ സെയില്‍' വഴി ദക്ഷിണ കൊറിയന്‍ പാരന്റിന്റെ 17.5 ശതമാനം ഓഹരികള്‍ റീട്ടെയില്‍ നിക്ഷേപകര്‍ക്ക് വില്‍ക്കാനാണ് ഐപിഒയിലൂടെ ലക്ഷ്യമിടുന്നത്.
ഹ്യൂണ്ടായ് മോട്ടോര്‍ ഐപിഒയുടെ ഒരു ലോട്ടിന് അപേക്ഷിക്കാന്‍ റീട്ടെയില്‍ നിക്ഷേപകര്‍ക്ക് ആവശ്യമായ ഏറ്റവും കുറഞ്ഞ നിക്ഷേപം 13,720 രൂപയാണ്. ചെറിയ നോണ്‍ ഇന്‍സ്റ്റിറ്റിയൂഷണല്‍ നിക്ഷേപകരുടെ ഏറ്റവും കുറഞ്ഞ ലോട്ട് സൈസ് 15 ലോട്ടുകള്‍ അല്ലെങ്കില്‍ 105 ഷെയറുകളാണ്. നിക്ഷേപത്തിന് കുറഞ്ഞത് 205,800 രൂപ വേണ്ടിവരും.
വലിയ നോണ്‍ ഇന്‍സ്റ്റിറ്റിയൂഷണല്‍ നിക്ഷേപര്‍ കുറഞ്ഞത് 73 ലോട്ടുകള്‍ അല്ലെങ്കില്‍ 511 ഓഹരികളില്‍ നിക്ഷേപിക്കണം. കുറഞ്ഞത് 10,01,560 രൂപ വേണ്ടിവരും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates