കാണാൻ മനോഹരം, പക്ഷേ അപകടകാരികൾ; വിഷമുള്ള ചെടികളെ തിരിച്ചറിയാം

വീട്ടിലോ പൂന്തോട്ടത്തിലോ വളർത്തുന്ന എല്ലാ ചെടികളും സുരക്ഷിതമല്ല.

ചില ചെടികളിൽ വിഷാംശം അടങ്ങിയിട്ടുള്ളതിനാൽ അവ അബദ്ധത്തിൽ കഴിക്കുകയോ സ്പർശിക്കുകയോ ചെയ്താൽ ഗുരുതര ആരോഗ്യപ്രശ്നങ്ങൾ ഉണ്ടാകാം

ഇത്തരത്തിലുള്ള ചെടികളെക്കുറിച്ച് അറിഞ്ഞിരിക്കേണ്ടത് വളരെ പ്രധാനമാണ്.

അരളി

തണ്ടും ഇലയും വളരെ വിഷമയമായ സസ്യമാണ് അരളി. ചെറിയ അളവിലെങ്കിലും ഉള്ളിൽ പോയാൽ വിഷബാധയേൽക്കാനുള്ള സാധ്യതയുണ്ട്. കത്തിച്ച് പുക ശ്വസിച്ചാലും വിഷബാധയേൽക്കാം.

കുന്നി

കുന്നി ചെടിയുടെ കുരുവിൽ അബ്രിന്‍ എന്ന വിഷമയമുള്ള പ്രോട്ടീനുണ്ട്. ഇവ ഉള്ളിൽ ചെന്നാൽ ജീവൻ വരെ നഷ്ടമാകാം. ചുവപ്പും കറുപ്പും ചേര്‍ന്ന് കാണാന്‍ നല്ല ഭംഗയുള്ള കുരുവാണ് കുന്നിക്കുരു.

പുകയിലച്ചെടി

പുകയിലച്ചെടിയുടെ ഇലയിൽ നിക്കോട്ടിന്‍ എന്ന ആല്‍ക്കലോയ്ഡ് അടങ്ങിയിട്ടുണ്ട്. ഇത് ലഹരി പിടിപ്പിക്കുന്നതാണ്. ഇതിന്റെ അമിത ഉപയോ​ഗം ജീവൻ നഷ്ടപ്പെടുത്താം.

വൈറ്റ് സ്നേക്ക് റൂട്ട്

വെളുത്ത പൂക്കളാണ് ഇവയ്‌ക്ക്. പൂക്കളിൽ ട്രിമറ്റോൺ എന്ന വിഷവസ്തു അടങ്ങിയിട്ടുണ്ട്.

വാട്ടർ ഹെംലോക്ക്

ലോകത്തിലെ ഏറ്റവും വിഷമയമുള്ള സസ്യങ്ങളിൽ ഒന്നാണ് വാട്ടർ ഹെംലോക്ക്. നോർത്ത് അമേരിക്കയിലാണ് ഇവ വ്യാപകമായി വളരുന്നത്.