ഇവ കഴിച്ചാല്‍ ചെറുപ്പത്തിൽ തന്നെ മുടി നരയ്ക്കില്ല

അകാലനര ഇന്നത്തെ കാലത്ത് പലരേയും അലട്ടുന്നു. കുട്ടികളെപ്പോലും ഇത് ബാധിയ്ക്കുന്നു .

കഴിയ്ക്കുന്ന ഭക്ഷണത്തിലെ പോഷകക്കുറവ് ഇതിനുള്ള പ്രധാന കാരണമാണ്.

അകാലനരയ്ക്ക് പുറകിലെ കാരണങ്ങള്‍ പലതാണ്. ഇതില്‍ പ്രധാനപ്പെട്ടതാണ് ആവശ്യമായ പോഷകങ്ങള്‍ ശരീരത്തിന് ലഭിയ്ക്കാത്തത്.

അകാലനര അകറ്റാന്‍ കഴിയ്‌ക്കേണ്ട ചില ഭക്ഷണങ്ങളെ കുറിച്ച് അറിയാം.

ബദാം

മുടി നര അകറ്റാന്‍ സിങ്ക് അടങ്ങിയ ഭക്ഷണങ്ങള്‍ പ്രധാനപ്പെട്ട ഒന്നാണ്. മത്തങ്ങ, പിസ്ത, ബദാം, എള്ള്, സണ്‍ഫ്‌ളവര്‍ സീഡുകള്‍, കടല്‍ വിഭവങ്ങള്‍ എന്നിവ സിങ്ക് സമ്പുഷ്ടമാണ്.

കൂണ്‍​

വൈറ്റമിന്‍ ഡിയുടെ കുറവ് എല്ലുകള്‍ക്ക് മാത്രമല്ല, മുടി കൊഴിയാനും അകാലനരയ്ക്കുമെല്ലാം കാരണമാകുന്നു. കൂണ്‍, പാലുല്‍പന്നങ്ങള്‍, മുട്ട എന്നിവ നല്ലതാണ്. സൂര്യപ്രകാശമേല്‍ക്കുന്നത് വൈറ്റമിന്‍ ഡി ഉല്‍പാദനത്തിന് സഹായിക്കുന്നു.

മീനുകള്‍​

ഒമേഗ 3 ഫാറ്റി ആസിഡുകള്‍ മുടിയുടെ ആരോഗ്യത്തിന്, അകാലനര അകറ്റാന്‍ പ്രധാനമാണ്. സാല്‍മണ്‍, മത്തി പോലുള്ള മീനുകള്‍ ഏറെ നല്ലതാണ്.

ഇലക്കറി​

ഫോളിക് ആസിഡ് മുടിയുടെ ആരോഗ്യത്തിനും അകാലനര അകറ്റാനും ഏറെ പ്രധാനമാണ്. പയര്‍ വര്‍ഗങ്ങള്‍, ഇലക്കറി, ബീന്‍സ്, നട്‌സ്, സീഡ്‌സ് എന്നിവ കഴിയ്ക്കാം.