സമകാലിക മലയാളം ഡെസ്ക്
14 വര്‍ഷത്തിന് ശേഷം ഗ്വാളിയറില്‍ വീണ്ടും ക്രിക്കറ്റ് മത്സരം വരുമ്പോള്‍ സച്ചിന്റെ റെക്കോര്‍ഡ് ഓര്‍മ്മയില്‍ തെളിഞ്ഞുവരുന്നു.
2010 ഫെബ്രുവരി 24ന് ദക്ഷിണാഫ്രിക്കയ്‌ക്കെതിരായ മത്സരത്തില്‍ ഏകദിനത്തില്‍ ആദ്യ ഇരട്ട സെഞ്ച്വറി നേടിയ താരം എന്ന റെക്കോര്‍ഡാണ് സച്ചിനെ തേടിയെത്തിയത്
147 പന്തില്‍ നിന്നാണ് സച്ചിന് 200 റണ്‍സ് അടിച്ചത്. ഇതില്‍ 25 ഫോറും മൂന്നും സിക്‌സും ഉള്‍പ്പെടുന്നു.
ജാക്ക് കാലിസ്, ഡെയ്ല്‍ സ്റ്റെയ്ന്‍, വെയ്ന്‍ പാര്‍നെല്‍ തുടങ്ങി പ്രമുഖ ബൗളര്‍മാര്‍ക്കെതിരെയായിരുന്നു സച്ചിന്റെ പ്രകടനം
37 പന്തില്‍ 50 തികച്ച സച്ചിന് 90 പന്തിലാണ് നൂറില്‍ എത്തിയത്. എന്നാല്‍ 150ല്‍ എത്താന്‍ സച്ചിന് 118 പന്ത് മാത്രമാണ് എടുത്തത്. ഒടുവില്‍ 147 പന്തില്‍ 200 റണ്‍സ് നേടി റെക്കോര്‍ഡ് ബുക്കിലേക്ക്.
സച്ചിന്റെ മാസ്മരിക പ്രകടനത്തിന്റെ ചുവടുപിടിച്ച് ഇന്ത്യ 50 ഓവറില്‍ മൂന്ന് വിക്കറ്റ് നഷ്ടത്തില്‍ 401 റണ്‍സ് നേടി
മറുപടി ബാറ്റിങ്ങില്‍ ദക്ഷിണാഫ്രിക്ക 248 റണ്‍സിന് കൂടാരംകയറി. 153 റണ്‍സിന്റെ തകര്‍പ്പന്‍ ജയമാണ് ഇന്ത്യ നേടിയത്.
റെക്കോര്‍ഡ് ബുക്കില്‍ ഇടംനേടുമ്പോള്‍ സച്ചിന് 36 വയസായിരുന്നു പ്രായം. പിന്നീട് വന്ന തലമുറയ്ക്ക് 200ലധികം റണ്‍സ് നേടുന്നതിന് സച്ചിന്റെ ഇന്നിംഗ്‌സ് പ്രേരണയായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates