സമകാലിക മലയാളം ഡെസ്ക്
ദക്ഷിണാഫ്രിക്കയ്ക്കെതിരായ മൂന്നാം ടി20ല്‍ വിജയിച്ചതോടെ ഇന്ത്യ പരമ്പരയില്‍ 2-1ന് ലീഡ് ചെയ്യുകയാണ്. ഇനി ഒരു മത്സരമാണ് അവശേഷിക്കുന്നത്.
ബുധനാഴ്ച ദക്ഷിണാഫ്രിക്കയ്ക്കെതിരായ വിജയം ഇതുവരെ കളിച്ച 241 ടി20 രാജ്യാന്തര മത്സരങ്ങളില്‍ ഇന്ത്യയുടെ 164-ാം വിജയമായിരുന്നു. പാകിസ്ഥാന് ശേഷം ടി20ല്‍ വിദേശത്ത് നൂറ് വിജയങ്ങള്‍ നേടുന്ന രണ്ടാമത്തെ ടീമായി ഇന്ത്യ മാറി.
ദക്ഷിണാഫ്രിക്കയ്ക്കെതിരായ മൂന്നാം ടി20ല്‍ ഇന്ത്യന്‍ ബാറ്റര്‍മാര്‍ ആകെ 13 സിക്സുകളാണ് പറത്തിയത്. ഇതോടെ 2024 കലണ്ടര്‍ വര്‍ഷത്തില്‍ ടി20യില്‍ 200 സിക്സുകള്‍ നേടുന്ന ലോകത്തിലെ ആദ്യത്തെ ടീമായി ഇന്ത്യ മാറി
ദക്ഷിണാഫ്രിക്കയ്‌ക്കെതിരെ 219 റണ്‍സ് നേടിയതോടെ, 2024ല്‍ ഇന്ത്യ ടി20ല്‍ 200 റണ്‍സ് കടക്കുന്നത് എട്ടാം തവണയായി. ഒരു കലണ്ടര്‍ വര്‍ഷത്തില്‍ ഏറ്റവും കൂടുതല്‍ 200ലധികം റണ്‍സ് നേടിയ ടീം എന്ന റെക്കോര്‍ഡ് ഇന്ത്യയ്ക്ക് സ്വന്തം.
2022ല്‍ ബര്‍മിംഗ്ഹാം ബിയേഴ്സും 2023ല്‍ ഇന്ത്യയും 2024ല്‍ ജപ്പാനും ഒരു കലണ്ടര്‍ വര്‍ഷം ടി20ല്‍ 200ലധികം റണ്‍സ് നേടിയിട്ടുണ്ട്. ഇതാണ് ഇന്ത്യ ഇത്തവണ തിരുത്തിയത്.
ദക്ഷിണാഫ്രിക്കയ്ക്കെതിരായ മൂന്നാം ടി20ല്‍ ഇന്ത്യയ്ക്കായി തിലക് വര്‍മ്മ സെഞ്ച്വറി നേടിയതോടെ, ഒരു കലണ്ടര്‍ വര്‍ഷത്തില്‍ അഞ്ച് വ്യക്തിഗത സെഞ്ച്വറികള്‍ നേടുന്ന ലോകത്തിലെ മൂന്നാമത്തെ ടീമായി ഇന്ത്യ മാറി.
ടി20ല്‍ ഒരു കലണ്ടര്‍ വര്‍ഷത്തില്‍ ഏറ്റവും കൂടുതല്‍ ഡക്ക് സ്‌കോര്‍ ചെയ്ത റെക്കോര്‍ഡിനൊപ്പമെത്തി സഞ്ജു സാംസണ്‍.2024ല്‍ ഇതുവരെ അഞ്ച് ടി20 മത്സരങ്ങളില്‍ അക്കൗണ്ട് തുറക്കാന്‍ സഞ്ജുവിന് സാധിച്ചില്ല. ഡക്കില്‍ സിംബാബ്വെയുടെ റെജിസ് ചക്കബ്വയയുടെ റെക്കോര്‍ഡിനൊപ്പമാണ് സഞ്ജു എത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates