സമകാലിക മലയാളം ഡെസ്ക്
നവംബറില്‍ ഇന്ത്യയിലെ യാത്രാവാഹന വില്‍പ്പനയില്‍ നാലുശതമാനം വര്‍ധന. മുന്‍ വര്‍ഷത്തെ സമാന കാലയളവിനെ അപേക്ഷിച്ച് 3,50,000 വാഹനങ്ങളാണ് നവംബറില്‍ വിറ്റത്.
ഗ്രാമീണ വിപണിയിലെ ഉണര്‍വ്, വിവാഹ സീസണ്‍, എസ് യുവി വില്‍പ്പനയിലെ വര്‍ധന എന്നിവയാണ് യാത്രാവാഹന വില്‍പ്പന വര്‍ധിക്കാന്‍ കാരണം.
നവംബറിലെ യാത്രാവാഹനങ്ങളുടെ വില്‍പ്പനയില്‍ മാരുതി സുസുക്കിയാണ് മുന്നില്‍. 1,81,531 വാഹനങ്ങളാണ് വിറ്റത്. ഇന്ത്യയില്‍ മാത്രം 1,44,238 കാറുകളാണ് വിറ്റത്. മുന്‍ വര്‍ഷം സമാന കാലയളവില്‍ ഇത് 1,34,158 ആയിരുന്നു.
മഹീന്ദ്ര ആന്റ് മഹീന്ദ്രയാണ് രണ്ടാം സ്ഥാനത്ത്. നവംബറില്‍ മൊത്തം 79,030 വാഹനങ്ങളാണ് വിറ്റത്. യൂട്ടിലിറ്റി സെഗ്മെന്റില്‍ മഹീന്ദ്ര 46,222 വാഹനങ്ങളാണ് വിറ്റഴിച്ചത്.
ടാറ്റ മോട്ടോഴ്‌സ് നവംബറില്‍ 47,117 വാഹനങ്ങളാണ് വിറ്റത്. മുന്‍ വര്‍ഷത്തെ സമാന കാലയളവിനെ അപേക്ഷിച്ച് രണ്ടു ശതമാനം വര്‍ധനയാണ് രേഖപ്പെടുത്തിയത്.
ഹ്യുണ്ടായ് മോട്ടോര്‍ ഇന്ത്യ നവംബറില്‍ 48,246 വാഹനങ്ങളാണ് വിറ്റത്. ഇക്കാലയളവില്‍ 13,006 വാഹനങ്ങള്‍ കയറ്റുമതി ചെയ്യുകയും ചെയ്തു. എന്നാല്‍ മൊത്തത്തില്‍ വില്‍പ്പനയില്‍ ഇടിവ് ഉണ്ടായി.
ടൊയോട്ട കിര്‍ലോസ്‌കര്‍ മോട്ടോര്‍ നവംബറില്‍ 25,586 വാഹനങ്ങളാണ് വിറ്റഴിച്ചത്. മുന്‍ വര്‍ഷത്തെ സമാന കാലയളവിനെ അപേക്ഷിച്ച് വില്‍പ്പനയല്‍ 44 ശതമാനത്തിന്റെ വര്‍ധനയാണ് രേഖപ്പെടുത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates