അടുക്കളയിൽ എക്സ്ഹോസ്റ്റ് ഫാൻ അത്യാവശ്യമോ?

ഒരു വീട്ടില്‍ എന്ത് ഗന്ധം വേണമെന്ന് തീരുമാനിക്കുന്നതില്‍ അടുക്കളയ്ക്ക് പ്രത്യേക സ്ഥാനമുണ്ട്.

മീന്‍ പൊരിച്ച മണം വന്നാല്‍ പിന്നെയും കുഴപ്പമില്ല, എന്നാല്‍ പച്ച മീനിന്‍റെ മണം ആണെങ്കിലോ? വീട്ടിലേക്ക് കയറിവരുന്നവര്‍ നേരെ ഇറങ്ങി തിരിഞ്ഞ് ഓടും.

ഈ ഗന്ധങ്ങളെ അടുക്കളയില്‍ നിന്നോടിക്കാനുള്ള ഏറ്റവും മികച്ച വഴിയാണ് എക്സോസ്റ്റ് ഫാനുകള്‍.

പ്രത്യേകിച്ച് വായുസഞ്ചാരം കുറവുള്ളതോ അല്ലെങ്കില്‍ ചെറിയ സ്ഥലസൗകര്യമുള്ളതോ ആയ ഇടങ്ങളില്‍ ഇവ വളരെ അത്യാവശ്യമാണ്.

എക്സ്ഹോസ്റ്റ് ഫാൻ അടുക്കളയിൽ സ്ഥാപിക്കാത്തവരെക്കാളും, ഉണ്ടായിട്ടും അത് ഉപയോഗിക്കാത്തവരാണ് അധികവും.

അടുക്കളയിൽ എക്സ്ഹോസ്റ്റ് ഫാനിന്റെ ആവശ്യകത ഇവയാണ്.

അടുക്കളയിലെ വായുമലിനീകരണം പുറംതള്ളാൻ എക്സ്ഹോസ്റ്റ് ഫാൻ അത്യാവശ്യമാണ്. ഇല്ലെങ്കിൽ പുകയും ഈർപ്പവും തങ്ങി നിന്ന് ആരോഗ്യ പ്രശ്നങ്ങൾ ഉണ്ടാവുകയും അടുക്കള കാലക്രമേണ നശിക്കുകയും ചെയ്യുന്നു.

പാചകം ചെയ്യുന്ന സമയത്ത് അടുക്കളയിൽ ഉണ്ടാകുന്ന പുക, നീരാവി, ദുർഗന്ധം എന്നിവയെ എക്സ്ഹോസ്റ്റ് ഫാൻ ഫിൽറ്റർ ചെയ്യുന്നു.

എന്തെങ്കിലും പൊരിക്കുകയോ വറുക്കുകയോ ചെയ്താൽ അടുക്കള മുഴുവൻ പുക ഉണ്ടാകാറുണ്ട് . കൂടുതൽ പുക ഉണ്ടാകുമ്പോൾ അത് നമ്മൾ ശ്വസിക്കേണ്ടതായി വരും. ഇത് നമ്മുടെ ശ്വാസകോശത്തിന് ദോഷമാണ്. ഇത് ഒഴിവാക്കാൻ അടുക്കളയിൽ എക്സ്ഹോസ്റ്റ് ഫാൻ സ്ഥാപിക്കുന്നത് നല്ലതാണ്.

പാചകം ചെയ്യുന്ന സമയത്ത് ഉണ്ടാകുന്ന ചൂടും നീരാവിയും എക്സ്ഹോസ്റ്റ് ഫാൻ വലിച്ചെടുക്കുന്നു. ഇതിലൂടെ പാചകം ചെയ്യുമ്പോൾ അടുക്കളയിലുണ്ടാകുന്ന അസഹ്യമായ ചൂട് ഇല്ലാതാകുന്നു.