മുട്ടയുടെ വെള്ളയോ മഞ്ഞയോ ആരോഗ്യത്തിന് കൂടുതൽ ഗുണകരം?

പ്രോട്ടീനുകളുടെ കലവറയാണ് മുട്ട. കൂടാതെ വിറ്റാമിന്‍ എ, ബി, കാല്‍സ്യം, പ്രോട്ടീന്‍, അയേണ്‍, ആരോഗ്യകരമായ കൊഴുപ്പ് ‌തുടങ്ങിയ ധാരാളം ഘടകങ്ങള്‍ അടങ്ങിയ ഒന്നാണ് മുട്ട.

ചിലര്‍ക്ക് മുട്ടയുടെ വെള്ള മാത്രമാണ് ഇഷ്ടമെങ്കില്‍ മറ്റുചിലര്‍ക്ക് മഞ്ഞയോടാണ് പ്രിയം.

ശരിക്കും മുട്ടയുടെ വെള്ളയാണോ മഞ്ഞയാണോ ഗുണത്തില്‍ കേമന്‍ എന്ന സംശയം പലര്‍ക്കുമുണ്ട്. നമ്മുക്ക് അതൊന്ന് പരിശോധിക്കാം.

മുട്ടയുടെ വെള്ള:

1. ഒരു മുട്ടയുടെ വെള്ളയിൽ വെറും 17 കലോറിയും ഒരു കഷണത്തില്‍ 0.2 ഗ്രാം കൊഴുപ്പും അടങ്ങിയിട്ടുണ്ട്. അതിനാല്‍ മുട്ടയുടെ വെള്ള കഴിച്ചാല്‍ കലോറിയും കൊഴുപ്പും കൂടില്ല.

2. മുട്ടയുടെ വെള്ള പ്രോട്ടീനിന്‍റെ മികച്ച ഉറവിടമാണ്. പേശികൾക്ക് ആവശ്യമായ എല്ലാ അമിനോ ആസിഡുകളും ഇവയില്‍ അടങ്ങിയിരിക്കുന്നു. ഒരു മുട്ടയുടെ വെള്ളയിൽ 11 ഗ്രാം പ്രോട്ടീൻ അടങ്ങിയിട്ടുണ്ട്.

3. മുട്ടയുടെ വെള്ളയിൽ കൊളസ്‌ട്രോൾ അടങ്ങിയിട്ടില്ല, ഉയർന്ന കൊളസ്‌ട്രോളിൻ്റെ അളവ് അല്ലെങ്കിൽ ഹൃദ്രോഗ സാധ്യതയുള്ളവര്‍ക്ക് ഇത് ഗുണം ചെയ്യും.

4. മുട്ടയുടെ വെള്ളയിൽ പ്രോട്ടീൻ സമ്പുഷ്ടമാണെങ്കിലും, വിറ്റാമിൻ എ, ഡി, ഇ, കെ, ബി 12, ഫോളേറ്റ്, അവശ്യ ഫാറ്റി ആസിഡുകൾ എന്നിവയുൾപ്പെടെ മുട്ടയുടെ മഞ്ഞക്കരുവില്‍ കാണപ്പെടുന്ന ധാരാളം വിറ്റാമിനുകളും ധാതുക്കളും ആരോഗ്യകരമായ കൊഴുപ്പുകളും ഇവയില്‍ ഇല്ല.

5. മുട്ടയുടെ വെള്ളയിൽ പൊട്ടാസ്യം അടങ്ങിയിട്ടുണ്ട്. അതിനാല്‍ ഇവ കഴിക്കുന്നത് ഉയര്‍ന്ന രക്തസമ്മര്‍ദ്ദത്തെ കുറയ്ക്കാന്‍ സഹായിക്കുന്നു.

മുട്ടയുടെ മഞ്ഞ:

1. ഒരു മുട്ടയുടെ മഞ്ഞക്കരുവില്‍ എ, ഡി, ഇ, കെ, ബി വിറ്റാമിനുകൾ, ധാതുക്കൾ, ഒമേഗ-3 പോലുള്ള ആരോഗ്യകരമായ കൊഴുപ്പുകൾ എന്നിവയുൾപ്പെടെ അവശ്യ പോഷകങ്ങൾകള്‍ അടങ്ങിയിരിക്കുന്നു.

2. മുട്ടയുടെ മഞ്ഞക്കരു കോളിൻ്റെ മികച്ച ഭക്ഷണ സ്രോതസ്സുകളിൽ ഒന്നാണ്. തലച്ചോറിൻ്റെ ആരോഗ്യം, കരൾ പ്രവർത്തനം, മെറ്റബോളിസം എന്നിവയ്ക്ക് ഇവ പ്രധാനമാണ്.

3. മുട്ടയുടെ മഞ്ഞക്കരുവിൽ മോണോസാച്ചുറേറ്റഡ്, പോളിഅൺസാച്ചുറേറ്റഡ് കൊഴുപ്പുകൾ ഉൾപ്പെടെയുള്ള അപൂരിത കൊഴുപ്പുകൾ അടങ്ങിയിട്ടുണ്ട്. ഇത് മിതമായ അളവിൽ കഴിക്കുമ്പോൾ ഹൃദയാരോഗ്യത്തിന് ഗുണം ചെയ്യും.

4. മുട്ടയിൽ അടങ്ങിയിരിക്കുന്ന ഇരുമ്പിൻ്റെ 90 ശതമാനവും മഞ്ഞക്കരുത്തിലാണ് ഉള്ളത്.

5. മുട്ടയുടെ മഞ്ഞക്കരുവില്‍ ഉയർന്ന കൊളസ്ട്രോൾ ഉണ്ട്, ഒരു മുട്ടയുടെ മഞ്ഞക്കരുവില്‍ 185 മില്ലിഗ്രാം കൊളസ്ട്രോൾ അടങ്ങിയിട്ടുണ്ട്.

6. മഞ്ഞക്കരുവിൽ അടങ്ങിയിരിക്കുന്ന കരോട്ടിനോയിഡുകൾ കാഴ്ചശക്തി മെച്ചപ്പെടുത്താൻ സഹായിക്കുന്നു.

മുട്ടയുടെ വെള്ളക്കും മഞ്ഞക്കും അവരുടേതായ പോസിറ്റീവും നെഗറ്റീവും ഉണ്ട്. അതിനാല്‍ അവയുടെ ഉപഭോഗം ഓരോ വ്യക്തിയുടെയുംം പോഷക ആവശ്യങ്ങളെ ആശ്രയിച്ചിരിക്കുന്നു.