യാത്രയിൽ സമാധാനമാണോ പ്രധാനം? ലോകത്ത് ഏറ്റവും സമാധാനമുള്ള ആറു രാജ്യങ്ങൾ

ഐസ്‌ലന്‍ഡ്: തുടര്‍ച്ചയായി 19ാം വര്‍ഷമാണ് ഏറ്റവും സമാധാനമുള്ള രാജ്യമായി ഐസ്‌ലന്‍ഡ് തെരഞ്ഞെടുക്കപ്പെടുന്നത്. സ്വന്തമായി സൈന്യം പോലുമില്ല.

ന്യുസീലന്‍ഡ്: രാഷ്ട്രീയ സുസ്ഥിരതയിലും കുറഞ്ഞ കുറ്റകൃത്യനിരക്കിലും മുന്നിലാണ് ന്യുസീലന്‍ഡ്. സഞ്ചാരികള്‍ക്ക് സുരക്ഷിതത്വം ഉറപ്പുവരുത്തുന്ന രാജ്യം സാഹസിക യാത്രികരുടെ പ്രിയപ്പെട്ട ഡെസ്റ്റിനേഷനാണ്

സ്വിറ്റ്‌സര്‍ലന്‍ഡ്: സമാധാന സൂചികയിൽ മൂന്നാം സ്ഥാനത്തുള്ള രാജ്യം. കൃത്യനിഷ്ഠ പാലിക്കുന്ന പൊതുഗതാ​ഗതവും കുറഞ്ഞ കുറ്റകൃത്യങ്ങളും.

സ്ലൊവേനിയ: ഏറ്റവും സുരക്ഷിതമായ നാടാണെന്നതാണ് സ്ലൊവേനിയയുടെ പ്രത്യേകത. ആല്‍പ്‌സിന്റെ ഭംഗിയും മനോഹരമായ ഗ്രാമങ്ങളും പ്രധാന ആകർഷണം

അയര്‍ലന്‍ഡ് : ആതിഥ്യ മര്യാദകൊണ്ട് സഞ്ചാരികളുടെ ശ്രദ്ധനേടിയ രാജ്യം. ലോകത്തിലെ ഏറ്റവും മനോഹരമായ തീരദേശ യാത്രയുടെ അനുഭവം സമ്മാനിക്കുന്ന വൈല്‍ഡ് അറ്റ്‌ലാന്റിക് വേ, ക്ലിഫ്‌സ് ഓഫ് മോഹര്‍, പുരാതന കോട്ടകള്‍ എന്നിവ പ്രധാന ആകർഷണം

ഓസ്ട്രിയ: കുറ്റകൃത്യങ്ങൾ കുറഞ്ഞ ഓസ്ട്രിയയിൽ എവിടെവേണമെങ്കിലും എളുപ്പം എത്തിച്ചേരാനാകുന്ന റെയിൽവേ ശൃംഖലയുമുണ്ട്