ചായ വീണ്ടും ചൂടാക്കി കുടിക്കുന്നവരാണോ?

ചായ തണുത്തുപോയാൽ പലരും വീണ്ടും ചൂടാക്കി കുടിക്കാറുണ്ട്.

സ്ഥിരമായി ചായചൂടാക്കുന്നത് ആരോഗ്യത്തിന് ഹാനികരമാണോ എന്ന സംശയം പലർക്കും ഉണ്ട്.

വീണ്ടും വീണ്ടും ചായ തിളപ്പിച്ചു കുടിക്കുന്ന ശീലം അത്ര സുരക്ഷിതമല്ലെന്നാണ് വിദഗ്ധരുടെ അഭിപ്രായം.

ചായ വീണ്ടും ചൂടാക്കുമ്പോൾ അതിലെ ടാനിനുകളുടെ സാന്ദ്രത വർധിക്കുന്നു. ഇത് പാനീയത്തെ കൂടുതൽ കയ്പ്പുള്ളതും അസിഡിറ്റി ഉള്ളതുമാക്കുന്നു. ഈ ടാനിനുകൾ ശരീരത്തിലെ ധാതുക്കളുടെ ആഗിരണത്തെ തടസ്സപ്പെടുത്തുന്നു.

വീണ്ടും ചൂടാക്കിയ ചായ കുടിക്കുന്നത് നമ്മുടെ ദഹനവ്യവസ്ഥയിൽ അസ്വസ്ഥത, ദഹനക്കേട്, പോഷകാഹാരക്കുറവ്, മറ്റ് രോഗങ്ങൾ എന്നിവയ്ക്ക് കാരണമാകും.

സാധാരണ താപനിലയിൽ കൂടുതൽ നേരം വെച്ച ചായയിൽ ബാക്ടീരിയകൾ വളരാൻ സാധ്യതയുണ്ട്. ഈ ബാക്ടീരിയകളെ ചായ വീണ്ടും ചൂടാക്കിയാലും നശിപ്പിക്കാൻ കഴിയില്ല. ഇത്തരത്തിലുള്ള ചായ കുടിക്കുന്നത് ഭക്ഷ്യജന്യ രോഗങ്ങൾക്കുള്ള സാധ്യത വർദ്ധിപ്പിക്കും.

ചായ വീണ്ടും ചൂടാക്കുമ്പോൾ അതിന്റെ രുചി, നിറം, മണം എന്നിവയിൽ മാറ്റം വരും.