മേക്കപ്പ് ഉപയോഗിക്കുന്നതിന് മുമ്പ് ഇക്കാര്യങ്ങൾ ശ്രദ്ധിച്ചില്ലെങ്കിൽ പ്രശ്നമാണ്

മേക്കപ്പ് ഉപയോഗിക്കാത്തവർ ചുരുക്കമായിരിക്കും.

സൗന്ദര്യം കൂട്ടാനും ആത്മവിശ്വാസം വർധിപ്പിക്കാനും തുടങ്ങി നിരവധി കാരണങ്ങൾ ഇതിനു പിന്നിലുണ്ട്.

എന്നാൽ, മേക്കപ്പ് ശരിയായ രീതിയിൽ ഉപയോഗിച്ചില്ലെങ്കിൽ ചർമത്തെ ദോഷകരമായി ബാധിക്കാനുള്ള സാധ്യതയുണ്ട്

മേക്കപ്പ് ചെയ്യുമ്പോൾ ശ്രദ്ധിക്കേണ്ട പ്രധാനമായ കാര്യങ്ങൾ പരിശോധിക്കാം.

വിശ്വസനീയമായ ബ്രാൻഡുകൾ ഉപയോഗിക്കാൻ ശ്രദ്ധിക്കുക. കൂടാതെ ചര്‍മത്തിനു ദോഷം ചെയ്യുന്ന കൃത്രിമ ഉൽപന്നങ്ങൾ ഉപയോഗിക്കാതിരിക്കുക.

മേക്കപ്പ് ഉപയോഗിക്കുന്നതിനു മുൻപ് ആദ്യം നിങ്ങളുടെ സ്കിൻ ടൈപ്പ് ഏതാണെന്ന് അറിഞ്ഞിരിക്കണം. സ്കിൻ ടൈപ്പിന് അനുസരിച്ചിട്ടുള്ള മേക്കപ്പ് പ്രോഡക്റ്റുകൾ ഉപയോ​ഗിച്ചിട്ടില്ലെങ്കിൽ ചർമത്തെ ദോഷകരമായി ബാധിക്കും.

എത്രയൊക്കെ മികച്ച ഉത്പന്നങ്ങൾ വാങ്ങിയാലും ചർമം വൃത്തിയായി സൂക്ഷിച്ചാലും, നിങ്ങൾ ഉപയോഗിക്കുന്ന ബ്രഷുകളും ബ്യൂട്ടി ബ്ലെൻഡറുകളും വൃത്തിയാക്കി സൂക്ഷിച്ചില്ലെങ്കിൽ വിപരീതഫലം ചെയ്യും. മാസത്തിൽ 4 തവണയെങ്കിലും ഇവ കഴുകി വൃത്തിയാക്കാൻ ശ്രദ്ധിക്കുക.

രാത്രി ഉറങ്ങുമ്പോൾ മേക്കപ്പ് നീക്കം ചെയ്യാൻ മറക്കരുത്. ഇത് ചർമത്തെ മോശമായി ബാധിക്കും. മേക്കപ്പ് റിമൂവർ ഉപയോഗിച്ചോ അല്ലെങ്കിൽ ഫേസ് വാഷ് ഉപയോഗിച്ചോ രാത്രി തന്നെ മേക്കപ്പ് നീക്കം ചെയ്യണം.