'കൈതി 2' മുതൽ 'മൂക്കുത്തി അമ്മൻ 2' വരെ; തമിഴിൽ വരാനിരിക്കുന്ന സീക്വലുകൾ

ഇന്ത്യൻ 3

മൂന്നാം ഭാ​ഗത്തിന്റെ സൂചനകൾ നൽകിക്കൊണ്ടാണ് ഇന്ത്യൻ 2 അവസാനിക്കുന്നത്. ഈ വർഷം അവസാനത്തോടെ ചിത്രം എത്തും എന്നാണ് പ്രതീക്ഷിക്കുന്നത്.

കൈതി 2

ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് കൈതി 2. രജനീകാന്തിന് നായകനാക്കി സംവിധാനം ചെയ്യുന്ന കൂലിക്ക് ശേഷം ലോകേഷ് കനകരാജ് കൈതി ആരംഭിക്കും.

സര്‍പ്പട്ട 2

തമിഴ്‌നാട്ടിലെ ബോക്‌സിങ്ങിന്റെ കഥ പറഞ്ഞ ചിത്രത്തില്‍ ആര്യയാണ് നായകനായി എത്തിയത്. ഈ വര്‍ഷം ജനുവരിയിലാണ് സംവിധായകന്‍ പാ രഞ്ജിത്ത് ചിത്രത്തിന്റെ രണ്ടാം ഭാഗം പ്രഖ്യാപിച്ചത്.

മൂക്കുത്തിഅമ്മന്‍ 2

നയന്‍താര മുഖ്യവേഷത്തിലെത്തിയ ചിത്രം. ജൂലൈ 12നാണ് നയന്‍താര വീണ്ടും മൂക്കുത്തിയമ്മന്റെ വേഷത്തിലെത്തുമെന്ന് പ്രഖ്യാപനമുണ്ടായത്.

കങ്കുവ 2

സൂര്യയെ നായകനാക്കി ശിവ സംവിധാനം ചെയ്യുന്ന ചിത്രമാണ് കങ്കുവ. ഒക്‌റ്റോബറിലാണ് ചിത്രത്തിന്റെ റിലീസ് പ്രഖ്യാപിച്ചിരിക്കുന്നത്. ചിത്രത്തിന് രണ്ടാം ഭാഗമുണ്ടാകുമെന്ന് നിര്‍മാതാവ് സ്ഥിരീകരിച്ചിരുന്നു. 2027ല്‍ രണ്ടാം ഭാഗം എത്തും.

തനി ഒരുവന്‍ 2

ജയം രവിയും നയന്‍താരയും ഒന്നിച്ച തനി ഒരുവന്‍ വമ്പന്‍ ഹിറ്റായിരുന്നു. 2023 ഓഗസ്റ്റിലാണ് സംവിധായകന്‍ മോഹന്‍ രാജ ചിത്രത്തിന്റെ രണ്ടാം ഭാഗം പ്രഖ്യാപിച്ചത്.

വിടുതലൈ 2

വെട്രിമാരന്‍ സംവിധാനം ചെയ്യുന്ന വിടുതലൈ 2 ന്റെ ചിത്രീകരണം അവസാന ഘട്ടത്തിലാണ്. കഴിഞ്ഞ ദിവസം ചിത്രത്തിന്റെ പോസ്റ്റര്‍ പുറത്തുവിട്ടിരുന്നു.

സര്‍ദാര്‍ 2

കാര്‍ത്തി നായകനായി എത്തുന്ന ചിത്രം എംഎസ് മിത്രന്‍ ആണ് സംവിധാനം ചെയ്യുന്നത്. ചിത്രീകരണം പുരോഗമിക്കുന്നതിനിടെ സെറ്റിലുണ്ടായ അപകടത്തില്‍ സ്റ്റണ്ട് മാസ്റ്റര്‍ മരിച്ചിരുന്നു.