വസ്ത്രങ്ങൾ കഴുകുമ്പോൾ ഇതൊക്കെയൊന്ന് ശ്രദ്ധിക്കണേ

വസ്ത്രങ്ങൾ എപ്പോഴും വൃത്തിയായിരിക്കണെമെന്നതിനാൽ ഉപയോഗിച്ച് കഴിഞ്ഞാൽ ഉടൻ നമ്മൾ വസ്ത്രങ്ങൾ കഴുകി സൂക്ഷിക്കാറുണ്ട്.

എന്നാൽ കഴുകിയതിന് ശേഷവും വസ്ത്രങ്ങളിൽ നിന്നും ദുർഗന്ധം ഉണ്ടാവുകയും പെട്ടന്ന് കേടുവരുകയും ചെയ്യുന്നു

ചില അബദ്ധങ്ങൾ ഒഴുവാക്കിയാൽ പെട്ടന്ന് വസ്ത്രങ്ങൾ കേടുവരുന്നതിൽ നിന്നും തടയാം കഴിയും

ഒരോ വസ്ത്രങ്ങൾ കഴുകുമ്പോഴും അതിന്റെ ലേബൽ അനുസരിച്ച് കഴുകാൻ ശ്രദ്ധിക്കണം.

വസ്ത്രങ്ങൾ ചൂട് വെള്ളത്തിൽ കഴുകുന്നത് അഴുക്കിനെയും അണുക്കളെയും എളുപ്പം ഇല്ലാതാക്കാൻ സഹായിക്കുന്നു. എന്നാൽ അമിതമായ ചൂടിൽ കഴുകുന്നത് വസ്ത്രങ്ങൾക്ക് കേടുപാടുകൾ ഉണ്ടാവാൻ കാരണമാകുന്നു.

കൂടുതൽ സോപ്പ് പൊടി ഉപയോഗിക്കുമ്പോൾ വസ്ത്രത്തിലെ അഴുക്ക് പെട്ടെന്ന് നീക്കം ചെയ്യാൻ സാധിക്കുമെന്ന് കരുതുന്നുണ്ടെങ്കിൽ തെറ്റ് ഇങ്ങനെ ചെയ്യുന്നത് വസ്ത്രങ്ങൾക്ക് കേടുപാടുകൾ ഉണ്ടാവാനും കറ പറ്റാനും കാരണമാകുന്നു.

വാഷിംഗ് മെഷീനിൽ വസ്ത്രങ്ങൾ ഒരുമിച്ചിട്ട് കഴുകുമ്പോൾ ശരിയായ രീതിയിൽ സോപ്പ് പൊടിയും വെള്ളംവും വസ്ത്രങ്ങളിൽ എത്താതെയും വൃത്തിയാകാതെയും വരുന്നു. പിന്നീടിത് വസ്ത്രങ്ങളിൽ ദുർഗന്ധം ഉണ്ടാവാനും കാരണമാകുന്നു.

കഴുകിയതിന് ശേഷം വസ്ത്രങ്ങൾ നന്നായി ഉണക്കാൻ ശ്രദ്ധിക്കണം. നല്ല കാറ്റും സൂര്യപ്രകാശവും ലഭിക്കുന്ന വിധത്തിൽ ഉണക്കുന്നതാണ് നല്ലത്. ഇല്ലെങ്കിൽ വസ്ത്രങ്ങളിൽ ഈർപ്പം തങ്ങി നിൽക്കുകയും ദുർഗന്ധം ഉണ്ടാവാനും കാരണമാകുന്നു.

എന്നും ഉപയോഗിക്കുന്ന വസ്ത്രങ്ങൾ കഴുകി വൃത്തിയാക്കേണ്ടതുണ്ടെങ്കിലും, ജീൻസ് പോലുള്ള കട്ടിയുള്ള വസ്ത്രങ്ങൾ എപ്പോഴും കഴുകേണ്ടതില്ല. ഇത് ഇത്തരം വസ്ത്രങ്ങൾ നശിച്ചുപോകാൻ കാരണമാകുന്നു.