എ എം
2024-25ല്‍ വാഹന രജിസ്‌ട്രേഷനില്‍ കേരളത്തില്‍ വര്‍ധന
2024-25ല്‍ സംസ്ഥാനത്തുടനീളം 7.83 ലക്ഷം പുതിയ വാഹനങ്ങളാണ് രജിസ്റ്റര്‍ ചെയ്തത്.
2023-24ല്‍ 7.44 ലക്ഷം പുതിയ വാഹനങ്ങള്‍ മാത്രം രജിസ്റ്റര്‍ ചെയ്ത സ്ഥാനത്താണ് ഈ വര്‍ധന.
കോവിഡിന് ശേഷമുള്ള 2022-23നെ അപേക്ഷിച്ച് വാഹന രജിസ്‌ട്രേഷനില്‍ കുറവ് സംഭവിച്ചു. അന്ന് 7.91 ലക്ഷം വാഹനങ്ങളാണ് പുതുതായി രജിസ്റ്റര്‍ ചെയ്തത്.
കേരളത്തില്‍ രജിസ്റ്റര്‍ ചെയ്ത വാഹനങ്ങളുടെ ആകെ എണ്ണം ഇപ്പോള്‍ 1.82 കോടി കവിഞ്ഞു. കേരളത്തില്‍ ഇപ്പോള്‍ 1,000 പേര്‍ക്ക് 425 വാഹനങ്ങള്‍ എന്ന നിലയിലേക്ക് രജിസ്റ്റര്‍ ചെയ്ത വാഹനങ്ങളുടെ എണ്ണം ഉയര്‍ന്നു.
കഴിഞ്ഞ സാമ്പത്തിക വര്‍ഷത്തില്‍ ഏറ്റവും കൂടുതല്‍ പുതിയ രജിസ്‌ട്രേഷനുകള്‍ നടന്നത് തിരുവനന്തപുരം, എറണാകുളം, കോഴിക്കോട് എന്നിവിടങ്ങളിലാണ്.
തലസ്ഥാന ജില്ലയിലാണ് ഏറ്റവുമധികം വാഹനങ്ങള്‍ രജിസ്റ്റര്‍ ചെയ്തത്. 32,399 വാഹനങ്ങള്‍.
എറണാകുളം ജില്ലയില്‍ കഴിഞ്ഞ വര്‍ഷം 24,640 വാഹനങ്ങളാണ് രജിസ്റ്റര്‍ ചെയ്തത്. മുന്‍ വര്‍ഷത്തെ 24,932നെ അപേക്ഷിച്ച് കുറവാണ്.
ദേശീയതലത്തില്‍, മൊത്തം രജിസ്റ്റര്‍ ചെയ്ത വാഹനങ്ങളുടെ എണ്ണത്തില്‍ ഉത്തര്‍പ്രദേശ് ആണ് ഒന്നാമത്. 5.07 കോടിയിലധികം വാഹനങ്ങള്‍. മഹാരാഷ്ട്രയാണ് (3.96 കോടി) തൊട്ടുപിന്നില്‍. വാഹന സാന്ദ്രത ഏറ്റവും കൂടുതല്‍ ചണ്ഡീഗഡ് (1,000 പേര്‍ക്ക് 702 വാഹനങ്ങള്‍) ആണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates