അഭിമാനത്തോടെ കോഴിക്കോട്; രാജ്യത്തെ ആദ്യ സാഹിത്യനഗരം

2023 ഒക്ടോബര്‍ 31നാണ് കോഴിക്കോടിനെ സാഹിത്യനഗരമായി യുനെസ്‌കോ അംഗീകരിച്ചത്.

നിറഞ്ഞ സദസില്‍ മന്ത്രി എംബി രാജേഷ് ആണ് പ്രഖ്യാപനം നടത്തിയത്.

സാഹിത്യനഗര പദവി ലഭിച്ചതോടെ നഗരത്തില്‍ നാലു വര്‍ഷത്തെ പ്രവര്‍ത്തനങ്ങള്‍ ആസൂത്രണം ചെയ്യും. മാനാഞ്ചിറ, തളി, കുറ്റിച്ചിറ തുടങ്ങിയ സ്ഥലങ്ങളും പാര്‍ക്കുകളും സാഹിത്യ, സാംസ്‌കാരിക പരിപാടികള്‍ക്ക് വേദിയാകും.

സാഹിത്യനഗരപദവി കിട്ടുന്ന ഇന്ത്യയിലെ ആദ്യനഗരമാണ് കോഴിക്കോട്.

കൊല്‍ക്കത്ത പോലുള്ള വന്‍ സാഹിത്യപാരമ്പര്യമുള്ള നഗരങ്ങളെ പിന്തള്ളി യുനസ്‌കോയുടെ സാഹിത്യനഗര പദവി കോഴിക്കോടിന് ലഭിക്കാന്‍ കോര്‍പ്പറേഷന്റെ ചിട്ടയായ പ്രവര്‍ത്തനം കാരണമായി.

സമ്പന്നമായ സാഹിത്യ പൈതൃകവും സജീവ സാഹിത്യവും നിലനിര്‍ത്തുന്ന നഗരങ്ങള്‍ക്കാണ് യുനെസ്‌കോ ഈ പദവി നല്‍കുന്നത്. 2004 മുതലാണ് ഈ പദവി നല്‍കിപ്പോരുന്നത്.

യുനെസ്‌കോ നിശ്ചയിച്ചിട്ടുള്ള മാനദണ്ഡങ്ങള്‍ പാലിക്കുന്ന നഗരങ്ങള്‍ക്കു നല്‍കുന്ന ഈ പദവി ആദ്യമായി ലഭിച്ചത് എഡിന്‍ബറോ നഗരത്തിനായിരുന്നു.