വവ്വാല്‍ അത്ര വലിയ ഭീകരജീവിയല്ല?; പരിസ്ഥിതിക്ക് നല്‍കുന്നത് നിരവധി സംഭാവനകള്‍

അഞ്ചു കോടി വര്‍ഷത്തിലേറെയായി ഭൂമിയില്‍ നിലനില്‍ക്കുന്ന ജീവി വര്‍ഗമാണ് വവ്വാലുകള്‍

പാരിസ്ഥിതികമായി ഏറെ പ്രാധാന്യമുള്ള ഈ ജീവി വര്‍ഗം ഇപ്പോഴും തെറ്റിദ്ധരിക്കപ്പെട്ട ജീവികളില്‍ ഒന്നാണ്.

ലോകമെമ്പാടുമുള്ള 500-ലധികം സസ്യ ഇനങ്ങളുടെ പരാഗണത്തിനും വിത്ത് വിതരണത്തിനും വവ്വാലുകള്‍ നല്‍കുന്ന സംഭാവന വലുതാണ്.

കീടനാശിനി വവ്വാലുകള്‍ കീടങ്ങളെ തിന്നുതീര്‍ക്കുന്നത് വഴി കോടിക്കണക്കിന് വിളനാശത്തില്‍ നിന്നാണ് കര്‍ഷകരെ രക്ഷിക്കുന്നത്.

ഇവയുടെ കാഷ്ടം നൈട്രജന്‍, ഫോസ്ഫറസ്, പൊട്ടാസ്യം എന്നിവയാല്‍ സമ്പന്നമാണ്. ഇത് ഫലപ്രദമായ ജൈവ വളമായും ഉപയോഗിക്കുന്നുണ്ട്.

ആഗോളതലത്തില്‍ ഏകദേശം 1,460 ഇനത്തില്‍പ്പെട്ട വവ്വാലുകളെ തിരിച്ചറിഞ്ഞിട്ടുണ്ട്. അവയെ 21 കുടുംബങ്ങളായി തിരിച്ചിരിക്കുന്നു. ഒമ്പത് കുടുംബങ്ങളിലായി ഇവയില്‍ 135 എണ്ണം ഇന്ത്യയിലാണ്. കേരളത്തില്‍ മാത്രം 48 ഇനങ്ങള്‍ ഉണ്ട്.

ഇന്റര്‍നാഷണല്‍ യൂണിയന്‍ ഫോര്‍ കണ്‍സര്‍വേഷന്‍ ഓഫ് നേച്ചറിന്റെ (ഐയുസിഎന്‍) പട്ടിക അനുസരിച്ച് വംശനാശ ഭീഷണി നേരിടുന്ന രണ്ട് വവ്വാല്‍ ഇനങ്ങളുടെ ആവാസ കേന്ദ്രമാണ് കേരളം. ഇതില്‍ ഒന്ന് പഴംതീനി വവ്വാലാണ്.

ആവാസവ്യവസ്ഥയുടെ നാശം, വനനശീകരണം, മലിനീകരണം, കാലാവസ്ഥാ വ്യതിയാനം തുടങ്ങി വിവിധ കാരണങ്ങളാല്‍ ആഗോളതലത്തില്‍ വവ്വാലുകളുടെ എണ്ണം കുറയുകയാണ്. ഏകദേശം 23 വവ്വാല്‍ ഇനങ്ങള്‍ വംശനാശ ഭീഷണി നേരിടുന്നു, 85 എണ്ണം വംശനാശ ഭീഷണിയിലാണ്.

ആവാസ വ്യവസ്ഥകള്‍ നശിപ്പിക്കുന്നത് മൂലം പുതിയ പാര്‍പ്പിടവും ഭക്ഷണവും കണ്ടെത്താന്‍ വവ്വാലുകള്‍ നിര്‍ബന്ധിതരാകുന്നു. ഈ വര്‍ദ്ധിച്ച സമ്മര്‍ദ്ദവും പോഷകാഹാരക്കുറവും വവ്വാലുകളില്‍ പ്രതിരോധശേഷി കുറയുന്നതിനും വൈറസ് വ്യാപനത്തിനും കാരണമാകുന്നതായാണ് പഠനങ്ങള്‍ വ്യക്തമാക്കുന്നത്.