സമകാലിക മലയാളം ഡെസ്ക്
ബോളിവുഡില്‍ പത്ത് വര്‍ഷം പൂര്‍ത്തിയാക്കിയിരിക്കുകയാണ് കിയാര അഡ്വാനി.
തന്റെ സിനിമ യാത്ര ആരാധകര്‍ക്കൊപ്പമാണ് താരം ആഘോഷമാക്കിയത്.
ആഘോഷത്തിന്റെ ചിത്രങ്ങളും വിഡിയോയും താരം സോഷ്യല്‍ മീഡിയയില്‍ പങ്കുവച്ചിരുന്നു.
പത്ത് വര്‍ഷമായെന്ന് വിശ്വസിക്കാനാവുന്നില്ലെന്നും ഇന്നലെ എന്നപോലെ എല്ലാം ഓര്‍മയുണ്ടെന്നുമാണ് താരം കുറിക്കുന്നത്. തനിക്കൊപ്പം നിന്ന സംവിധായകര്‍ക്കും അഭിനേതാക്കള്‍ക്കും പ്രേക്ഷകര്‍ക്കും കുടുംബത്തിനുമെല്ലാം താരം നന്ദി പറഞ്ഞു.
കിയാരയുടെ ഭര്‍ത്താവും നടനുമായ സിദ്ധാര്‍ഥ് മല്‍ഹോത്രയും താരത്തിന് ആശംസകളുമായി എത്തിയിരുന്നു. ഒരു പതിറ്റാണ്ട് നീണ്ട കഠിനാധ്വാനത്തേയും ആവേശത്തേയും പുകഴ്ത്തിക്കൊണ്ടാണ് കുറിപ്പ്.
2014ല്‍ ഫഗ്ലി എന്ന ചിത്രത്തിലൂടെയാണ് താരം അരങ്ങേറ്റം കുറിക്കുന്നത്.