ഇതൊക്കെ എത്ര പേർക്കറിയാം! ​ഗുസ്തിയിലും ലാലേട്ടൻ പൊളി

പത്തനംതിട്ടയിലെ ഇലന്തൂരിൽ 1960 മെയ് 21നാണ് വിശ്വനാഥൻ നായരുടെയും ശാന്താകുമാരിയുടെയും മകനായി മോഹൻലാലിന്റെ ജനനം.

1978ൽ പുറത്തിറങ്ങിയ 'തിരനോട്ടം' എന്ന സിനിമയിലൂടെ 18-ാം വയസിലാണ് മോഹൻലാൽ സിനിമയിൽ അരങ്ങേറുന്നത്. സെൻസർഷിപ്പ് പ്രശ്‌നങ്ങൾ കാരണം ചിത്രത്തിന്റെ റിലീസ് 25 വർഷത്തോളം വൈകി.

1980 ൽ പുറത്തിറങ്ങിയ'മഞ്ഞിൽ വിരിഞ്ഞ പൂക്കളി'ലൂടെ മലയാള സിനിമക്ക് പുതിയൊരു താരത്തെ ലഭിച്ചു. മോഹൻലാലിനെക്കുറിച്ച് നിങ്ങൾക്ക് അധികം അറിയാത്ത അഞ്ച് കാര്യങ്ങളിതാ.

തായ്‌ക്വൊണ്ടോയിൽ ബ്ലാക്ക് ബെൽറ്റ് നേടിയിട്ടുണ്ട് മോഹൻലാൽ. 2012ൽ കൊറിയയിലെ സിയോൾ കേന്ദ്രമാക്കി പ്രവർത്തിക്കുന്ന ദ് വേൾഡ് തായ്‌ക്വൊണ്ടോ ആസ്ഥാനം ഓണററി തായ്‌ക്വൊണ്ടോ ബ്ലാക്ക് ബെൽറ്റ് നൽകി മോഹൻലാലിനെ ആദരിച്ചു. തെന്നിന്ത്യയിൽ നിന്ന് ഈ ബഹുമതി നേടുന്ന ആദ്യ നടൻ കൂടിയാണ് മോഹൻലാൽ.

1997ൽ പുറത്തിറങ്ങിയ മോഹൻലാൽ ചിത്രം ​ഗുരു, മികച്ച വിദേശ ഭാഷാ ചിത്രത്തിനുള്ള ഓസ്കർ നോമിനേഷൻ നേടിയ ആദ്യ മലയാള ചിത്രമാണ്.

സിനിമയിലെത്തുന്നതിന് മുൻപ് ഒരു പ്രൊഫെഷണൽ ഗുസ്തി താരമായിരുന്നു മോഹൻലാൽ. 1977-78 വർഷത്തെ സംസ്ഥാന ഗുസ്തി ചാംപ്യൻഷിപ്പ് മോഹൻലാൽ നേടിയിരുന്നു.

ഏറ്റവും പുതിയ റിപ്പോർട്ടുകൾ പ്രകാരം മലയാള സിനിമാ മേഖലയിൽ ഏറ്റവും കൂടുതൽ പ്രതിഫലം വാങ്ങുന്ന നടനാണ് മോഹൻലാൽ. ഒരു ചിത്രത്തിന് 10 കോടി മുതൽ 25 കോടി രൂപ വരെ പ്രതിഫലം വാങ്ങുന്നതായാണ് റിപ്പോർട്ട്.

ദുബായിലെ ബുർജ് ഖലീഫയിലും മോഹൻലാലിന് ഒരു അപ്പാർട്ട്മെന്റ് ഉണ്ടെന്നാണ് റിപ്പോർട്ട്. 29-ാം നിലയിലുള്ള ഈ അപ്പാർട്ട്മെന്റ് അദ്ദേഹത്തിന്റെ ഭാര്യ സുചിത്രയുടെ പേരിലാണ് രജിസ്റ്റർ ചെയ്തിരിക്കുന്നതെന്നും റിപ്പോർട്ടുകൾ പറയുന്നു.