സമകാലിക മലയാളം ഡെസ്ക്
പ്രതിദിനം 45 രൂപ വീതം നിക്ഷേപിക്കാന്‍ സാധിച്ചാല്‍ കാലാവധി പൂര്‍ത്തിയാകുമ്പോള്‍ 25 ലക്ഷം രൂപ നേടാന്‍ സഹായിക്കുന്ന എല്‍ഐസി പോളിസിയാണ് ജീവന്‍ ആനന്ദ്.
ഓരോരുത്തര്‍ക്കും അവരുടെ സാമ്പത്തിക സ്ഥിതി അനുസരിച്ച് പോളിസിയില്‍ ചേരാം. പോളിസിയുടെ ലോക്ക് ഇന്‍ പിരീഡ് ദൈര്‍ഘ്യമേറിയതാണ് എന്നതിനോടൊപ്പം തന്നെ പോളിസിയ്ക്ക് ആനുകൂല്യങ്ങളും കൂടുതലാണ്.
18 വയസ് തികഞ്ഞ ആര്‍ക്കും പദ്ധതിയില്‍ ചേരാവുന്നതാണ്. പോളിസി കാലാവധി 15 മുതല്‍ 35 വര്‍ഷം വരെയാണ്. ജീവന്‍ ആനന്ദ് പോളിസിയില്‍ ഒരു ലക്ഷം രൂപ സം അഷ്വേര്‍ഡ് നല്‍കിയിട്ടുണ്ട്. അതേസമയം നിക്ഷേപത്തിന് പരമാവധി പരിധിയില്ല.
പ്രതിദിനം 45 രൂപ നിക്ഷേപത്തിനായി മാറ്റിവയ്ക്കുകയാണെങ്കില്‍ പ്രതിമാസം 1358 രൂപയാണ് പ്രീമിയം വരിക. ഇത്തരത്തില്‍ നിക്ഷേപം നടത്തുകയാണെങ്കില്‍ കാലാവധി കഴിയുമ്പോള്‍ 25 ലക്ഷം രൂപ ലഭിക്കും. 35 വര്‍ഷത്തേക്ക് നിക്ഷേപിക്കുകയാണെങ്കില്‍ മാത്രമേ 25 ലക്ഷം രൂപ ലഭിക്കൂ.
എല്ലാ മാസവും 1358 രൂപ നിക്ഷേപിച്ചാല്‍ ഒരു വര്‍ഷത്തേയ്ക്ക് 16,300 രൂപ വരും. 35 വര്‍ഷത്തിനുള്ളില്‍ നിക്ഷേപിച്ച ആകെ തുക 5,70,500 രൂപയാകും. കൂടാതെ 8.60 ലക്ഷം രൂപ റിവിഷണറി ബോണസും 11.50 ലക്ഷം രൂപ അന്തിമ ബോണസും നല്‍കും. ആകെ മൊത്തം 25 ലക്ഷം രൂപ ലഭിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates