എ എം
സ്ത്രീകളുടെ സാമ്പത്തിക സുരക്ഷയ്ക്കായുള്ള പ്രത്യേക പദ്ധതിയാണ് എല്‍ഐസി ബീമ സഖി (BIMA SAKHI). കഴിഞ്ഞ വര്‍ഷം ഡിസംബര്‍ ഒന്‍പതിനാണ് പ്രധാനമന്ത്രി നരേന്ദ്രമോദി ഈ പദ്ധതി അവതരിപ്പിച്ചത്
എല്‍ഐസി ബീമ സഖി എന്ന സ്‌കീമിലൂടെ സ്ത്രീകള്‍ക്ക് പ്രതിമാസം കുറഞ്ഞത് 7,000 രൂപ വരെ ലഭിക്കും. സ്ത്രീകള്‍ക്ക് മാത്രമുള്ള ഒരു പദ്ധതിയാണിത്.
ഈ സ്‌കീമിനു കീഴില്‍ അപേക്ഷിച്ച സ്ത്രീകള്‍ക്ക് എല്‍ഐസി ഏജന്റുമാരാകാനും സാമ്പത്തികമായി സ്വതന്ത്രരാകാനും പരിശീലനം നല്‍കും. അപേക്ഷിക്കുന്ന സ്ത്രീകള്‍ പത്താം ക്ലാസ് യോഗ്യത നേടിയിരിക്കണം.
സ്ത്രീകളുടെ പ്രായ പരിധി 18നും 70 വയസ്സിനിടയിലാവണം. നിലവിലുള്ള ഏജന്റിന് എല്‍ഐസി ബീമ സഖി (എംസിഎ) ഏജന്റ് ആയി അപേക്ഷിക്കാന്‍ കഴിയില്ല. ബന്ധുക്കള്‍ക്കും എംസിഎ ആയി നിയമനത്തിന് അര്‍ഹതയുണ്ടായിരിക്കില്ല.
ഈ പദ്ധതിയില്‍ ചേര്‍ന്നാല്‍ ആദ്യത്തെ മൂന്ന് വര്‍ഷത്തേക്ക് എല്‍ഐസി ഒരു നിശ്ചിത സ്‌റ്റൈപ്പന്‍ഡ് നല്‍കും. പോളിസി വില്‍പ്പനയില്‍ നിന്ന് ലഭിക്കുന്ന കമ്മീഷന് പുറമേ ലഭിക്കുന്നതാണിത്.
സ്ത്രീകള്‍ക്ക് പ്രതിമാസ വരുമാനം 7,000 രൂപയില്‍ ആരംഭിക്കും. ആദ്യ വര്‍ഷം പ്രതിമാസം 7,000 രൂപ ലഭിക്കും. രണ്ടാം വര്‍ഷം പ്രതിമാസ പേയ്മെന്റ് 6,000 രൂപയായിരിക്കും. മൂന്നാം വര്‍ഷമാകുമ്പോഴേക്കും തുക 5,000 രൂപയായി കുറയും.
രണ്ടാം വര്‍ഷത്തില്‍ സ്‌റ്റൈപ്പന്‍ഡിന് അര്‍ഹത നേടുന്നതിന്, ആദ്യ വര്‍ഷത്തില്‍ കുറഞ്ഞത് 65 ശതമാനം പോളിസികള്‍ പൂര്‍ത്തിയാക്കേണ്ടതുണ്ട്. മൂന്നാം വര്‍ഷത്തില്‍ സ്‌റ്റൈപ്പന്‍ഡ് ലഭിക്കുന്നതിനും ഇതേ മാനദണ്ഡമാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates