സമകാലിക മലയാളം ഡെസ്ക്
ഫുട്‌ബോളില്‍ നേട്ടങ്ങളുടെ നെറുകെയില്‍ നില്‍ക്കുന്ന താരമാണ് ലയണല്‍ മെസി എന്നത് തര്‍ക്കമില്ലാത്ത കാര്യമാണ്.
കരിയറിന്റെ സായാഹ്നത്തില്‍ നില്‍ക്കുന്ന മെസി ഫുട്‌ബോളിലെ അപൂര്‍വമായൊരു നേട്ടത്തിനു കഴിഞ്ഞ ദിവസം അര്‍ഹനായി.
എല്‍എ ഗാലക്‌സിക്കെതിരായ പോരാട്ടത്തില്‍ മയാമി 3-1നു വിജയം സ്വന്തമാക്കിയപ്പോള്‍ അതില്‍ ഒരു ഗോളും ഒരസിസ്റ്റും മെസിയുടെ ബൂട്ടില്‍ നിന്നായിരുന്നു.
മയാമിക്കായി ഏറ്റവും കൂടുതല്‍ ഗോള്‍ നേടുന്ന, ഏറ്റവും കൂടുതല്‍ ഗോളവസരങ്ങള്‍ തീര്‍ത്ത താരമായി മെസി ഇതോടെ മാറി.
മൂന്ന് വ്യത്യസ്ത ടീമുകള്‍ക്കായി ഈ നേട്ടം സ്വന്തമാക്കുന്ന ആദ്യ താരമെന്ന അനുപമ നേട്ടത്തിലാണ് അര്‍ജന്റീന നായകനെത്തിയത്.
ബാഴ്‌സലോണയ്ക്കായി ഏറ്റവും കൂടുതല്‍ ഗോളും അസിസ്റ്റും മെസിയുടെ പേരിലാണ്. സമാന നേട്ടമാണ് അര്‍ജന്റീനയ്‌ക്കൊപ്പവുമുള്ളത്.
2004 മുതല്‍ 2021 വരെ ബാഴ്‌സലോണയില്‍ കളിച്ച മെസി 672 ഗോളും 269 അസിസ്റ്റും നേടി. 778 മത്സരങ്ങളാണ് ടീമിനായി കളിച്ചത്.
ലോക ഫുട്‌ബോളില്‍ ഏറ്റവും കൂടുതല്‍ ഗോളുള്ള താരങ്ങളിലൊരാളാണ് മെസി. 112 ഗോളുകള്‍. 58 ഗോള്‍ അവസരങ്ങളും അര്‍ജന്റീന ജേഴ്‌സിയിലുണ്ട്.
2023 മുതല്‍ മയാമി താരമാണ് മെസി. ടീമിനായി ഇതുവരെ നേടിയത് 59 ഗോളുകള്‍. 58 ഗോളുകള്‍ക്കും താരം വഴിയൊരുക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates