ക്രിസ്മസ് പാർട്ടികളിൽ തിളങ്ങാം, ഏത് ചർമ്മക്കാർക്കും ഇണങ്ങും ഈ ലിപ്സ്റ്റിക് ഷേഡുകൾ

ക്രിസ്മസ് പാർട്ടികൾ മുതൽ ന്യൂയർ പാർട്ടികൾ വരെ ആഘോഷങ്ങളുടെ രാവുകളാണ് ഇപ്പോൾ.

പല നിറങ്ങളിലുള്ള വസ്ത്രങ്ങൾക്കൊപ്പം ലുക്ക് പൂർണ്ണമാകണമെങ്കിൽ നല്ലൊരു മേക്ക് അപ്പ് വേണം.

മേക്ക് അപ്പിൽ പ്രധാന ഭാ​ഗം സ്കിൻ ടോണിനും പാർട്ടിയ്ക്കും അനുസരിച്ചുള്ള ലിപ്സ്റ്റിക് തിരഞ്ഞെടുക്കുക എന്നതാണ്.

ഏതൊരു പാർട്ടിയ്ക്കും ചേരുന്ന ചില ലിപ്സ്റ്റിക് ഷേഡുകൾ പരിചയപ്പെടാം.

ക്ലാസിക് ട്രൂ റെഡ്

ക്രിസ്മസ് എന്ന് കേൾക്കുമ്പോൾ തന്നെ ആദ്യം മനസ്സിൽ വരുന്നത് ചുവപ്പാണ്. എന്നാൽ എല്ലാ ചുവപ്പും എല്ലാവർക്കും ചേരണമെന്നില്ല. നീല കലർന്ന ചുവപ്പ് ഏത് ചർമ്മക്കാർക്കും അനുയോജ്യമാണ്. ഇത് മുഖത്തിന് പെട്ടെന്ന് ഒരു തിളക്കം നൽകാനും സഹായിക്കും.

ബെറി റെഡ്

വൈൻ അല്ലെങ്കിൽ പ്ലം നിറത്തോട് ചേർത്തുവെക്കാവുന്ന ഷേഡാണ് ബെറി ഷേഡുകൾ. ഈ ഷേഡ് ക്രിസ്മസ് രാത്രികളിലെ പാർട്ടികൾക്ക് ഏറ്റവും അനുയോജ്യമാണ്. ഇന്ത്യൻ ചർമ്മപ്രകൃതിക്ക് ഏറ്റവും സ്വാഭാവികമായ ഭംഗി നൽകുന്ന ഷേഡാണിത്.

ടെറാക്കോട്ട അല്ലെങ്കിൽ വാം ബ്രിക്ക്

ഇത് ഒരു ബോൾഡ് ലുക്ക് നൽകുമെങ്കിലും അമിതമായി തോന്നിപ്പിക്കില്ല. ഗോൾഡൻ നിറത്തിലുള്ള ആഭരണങ്ങൾക്കൊപ്പം ഈ ഷേഡ് അതിമനോഹരമായിരിക്കും.

ഡീപ്പ് മെറൂൺ

ക്രിസ്മസ് രാത്രികളിലെ തണുപ്പുള്ള കാലാവസ്ഥയ്ക്ക് ഏറ്റവും ചേരുന്ന നിറമാണ് മെറൂൺ. പ്രത്യേകിച്ച് ഡാർക്ക് സ്കിൻ ടോൺ ഉള്ളവർക്ക് ഈ നിറം വലിയ ആത്മവിശ്വാസം നൽകും. വെൽവെറ്റ് ഫിനിഷുള്ള മെറൂൺ ലിപ്സ്റ്റിക് ഉപയോഗിക്കുന്നത് ചുണ്ടുകൾക്ക് കൂടുതൽ ഭംഗി നൽകും.

റോസി ന്യൂഡ്

ഇത് വസ്ത്രത്തിന്റെ നിറം എന്തുമാകട്ടെ, അതിനോട് ചേർന്നുനിൽക്കും. ഓഫീസ് പാർട്ടികൾക്കും ഡേ-ടൈം ആഘോഷങ്ങൾക്കും ഈ നിറം വളരെ എലഗന്റ് ആണ്.