കുട്ടികൾക്ക് ദിവസവും ലഭ്യമാക്കേണ്ട വിറ്റാമിനുകൾ

വിറ്റാമിന്‍ എ

ആറ് മാസം മുതൽ അഞ്ച് വയസു വരെയുള്ള കുട്ടികളിൽ ആരോഗ്യകരമായ രോഗപ്രതിരോധ സംവിധാനത്തിന് വിറ്റാമിൻ എ പ്രധാനമാണ്. കാഴ്ച ശക്തി മെച്ചപ്പെടാനും ചർമ്മത്തിന്റെ ആരോ​ഗ്യം നിലനിർത്താനും വിറ്റാമിൻ എ സഹായിക്കും.

വിറ്റാമിന്‍ എ അടങ്ങിയ ഭക്ഷണങ്ങള്‍

മുട്ട, ഇലക്കറികള്‍, പാല്‍, ക്യാരറ്റ്, മധുരക്കിഴങ്ങ്, മീന്‍ എന്നിവയില്‍ നിന്നും കുട്ടികള്‍ക്ക് ആവശ്യമായ വിറ്റാമിന്‍ എ ലഭിക്കും. ഇവ ഡയറ്റിൽ ഉൾപ്പെടുത്തുന്നത് പതിവാക്കുക.

വിറ്റാമിന്‍ ബി

ഒന്ന് മുതല്‍ മൂന്ന് വയസ്സു വരെയുള്ള കുട്ടികളില്‍ ഒരു ദിവസവം 0.5 മില്ലിഗ്രാം വീതവും നാല് മുതല്‍ എട്ട് വരെ വയസ്സുള്ള കുട്ടികളില്‍ 0.6 മില്ലിഗ്രാം വീതവും കഴിക്കണം. കുട്ടികളിലെ വിറ്റാമിന്‍ ബി പോരായ്മ ക്ഷീണം അനുഭവപ്പെടാന്‍ കാരണമാകും.

വിറ്റാമിന്‍ ബി അടങ്ങിയ ഭക്ഷണങ്ങള്‍

കടല്‍ മത്സ്യങ്ങളിലാണ് വിറ്റാമിന്‍ ബി പൊതുവെ കാണപ്പെടുന്നത്. ആപ്പിള്‍, പഴം, അവക്കാഡോ എന്നിവയിലും വിറ്റാമിന്‍ ബി ധാരാളം അടങ്ങിയിട്ടുണ്ട്.

വിറ്റാന്‍ സി

കുട്ടികളില്‍ വിറ്റാമിന്‍ സിയുടെ അഭാവം എല്ലുകളുടെ വളര്‍ച്ചയെയും കോശങ്ങളുടെ ആരോഗ്യത്തെയും ബാധിക്കാം. ഇത് കുട്ടികളുടെ ശരീരത്തിന് ഇരുമ്പ് ആഗിരണം ചെയ്യാൻ സഹായിക്കുകയും ചെയ്യുന്നു.

വിറ്റാമിന്‍ സി അടങ്ങിയ ഭക്ഷണങ്ങള്‍

പേരക്ക, ബ്രോക്കോളി, തക്കാളി, ഓറഞ്ച് തുടങ്ങിയവയിൽ വിറ്റാമിന്‍ സി അടങ്ങിയിട്ടുണ്ട്. ഡയറ്റില്‍ ഇവ ഉള്‍പ്പെടുത്താന്‍ ശ്രദ്ധിക്കുക.

വിറ്റാമിന്‍ ഡി

വിറ്റാമിന്‍ ഡിയുടെ പോരായ്മ കുട്ടികളുടെ ചലനശേഷിയെ ബാധിക്കും. 12 വയസിന് താഴെയുള്ള കുട്ടികളില്‍ 400ഐയു വിറ്റാമിന്‍ ഡി ദിവസവും ആവശ്യമാണ്. സൂര്യപ്രകാശമാണ് വിറ്റാമിൻ ഡിയുടെ പ്രധാന ഉറവിടം.

വിറ്റാമിന്‍ ഇ

മൂന്ന് വയസുവരെയുള്ള കുട്ടികളില്‍ വിറ്റാമിന്‍ ഇ 9ഐയു വരെ ദിവസവും ആവശ്യമാണ്. കൗമാരക്കാരില്‍ ഇത് 22 ഐയു ആണ്.

വിറ്റാമിന്‍ ഇ അടങ്ങിയ ഭക്ഷണങ്ങള്‍

സൂര്യകാന്തി വിത്തുകള്‍, ബദാം, മധുരക്കിഴങ്ങ് എന്നിവയില്‍ വിറ്റാമിന്‍ ഇ ധാരാളം അടങ്ങിയിട്ടുണ്ട്. ഇവ കുട്ടികളുടെ ഡയറ്റില്‍ ദിവസവും ഉള്‍പ്പെടുത്തുന്നത് വിറ്റാമിന്‍ പോരായ്മ കുറയ്ക്കും.