സമകാലിക മലയാളം ഡെസ്ക്
സ്മാർട്ട്ഫോൺ വാങ്ങുമ്പോൾ ക്യാമറയ്ക്ക് കൂടുതൽ പ്രാധാന്യം നൽകുന്നവരാണ് ഇന്ന് ഏറെയും. ഫ്ലാഗ്ഷിപ്പ് ഫോണുകളിൽ മാത്രം ലഭിച്ചിരുന്ന ചില ക്യാമറ ഫീച്ചറുകൾ ഇപ്പോൾ മിഡ് റേഞ്ച് സെഗ്മെന്റിലും ലഭ്യമാണ്.
ടെലിഫോട്ടോ ക്യാമറ, ഒപ്റ്റിക്കൽ ഇമേജ് സ്റ്റെബിലൈസേഷൻ (OIS), അൾട്രാ വൈഡ് ക്യാമറ തുടങ്ങിയ ഫീച്ചറുകളുള്ള നിരവധി ഫോണുകൾ 30,000 രൂപയിൽ താഴെയുള്ള വിലയിൽ വിപണിയിലുണ്ട്.
പ്രകടനത്തിനൊപ്പം ക്യാമറയ്ക്കും പ്രാധാന്യം നൽകുന്ന മോഡലാണ് റിയൽമി GT 6. മികച്ച പ്രൈമറി ക്യാമറയ്ക്കൊപ്പം ടെലിഫോട്ടോ ക്യാമറയും ഇതിലുണ്ട്. ദൈനംദിന ഉപയോഗത്തിനും കൂടുതൽ പെർഫോമൻസ് ആവശ്യമുള്ളവർക്കും അനുയോജ്യമായ ഫോണായാണ് ഇത് പരിഗണിക്കപ്പെടുന്നത്.
സാംസങ്ങിന്റെ Galaxy A55 5Gയിൽ ട്രിപ്പിൾ റിയർ ക്യാമറ സജ്ജീകരണമാണുള്ളത്. 50 മെഗാപിക്സൽ പ്രൈമറി ക്യാമറയ്ക്ക് OIS പിന്തുണയുണ്ട്. 12 മെഗാപിക്സൽ അൾട്രാ വൈഡ് ക്യാമറയും ലഭിക്കും.
50 മെഗാപിക്സൽ പ്രൈമറി ക്യാമറയും 50 മെഗാപിക്സൽ അൾട്രാ വൈഡ് ക്യാമറയും 10 മെഗാപിക്സൽ ടെലിഫോട്ടോ ക്യാമറയുമാണ് മോട്ടോറോള എഡ്ജ് 60 പ്രോയുടെ ശ്രദ്ധേയമായ ക്യാമറ സവിശേഷതകൾ. വിവിധ തരത്തിലുള്ള ഫോട്ടോഗ്രഫിക്ക് കൂടുതൽ ഫ്ലെക്സിബിലിറ്റി നൽകുന്നതാണ് ഈ ക്യാമറ സജ്ജീകരണം.
വൺപ്ലസ് നോർഡ് 4ൽ OIS പിന്തുണയുള്ള 50 മെഗാപിക്സൽ പ്രൈമറി ക്യാമറയാണുള്ളത്. 8 മെഗാപിക്സൽ അൾട്രാ വൈഡ് ക്യാമറയും ഇതിനൊപ്പമുണ്ട്. സ്ഥിരതയുള്ള ഫോട്ടോകളും വീഡിയോകളും എടുക്കാൻ OIS സഹായകരമാണ്.
ക്യാമറയ്ക്ക് കൂടുതൽ പ്രാധാന്യം നൽകുന്ന നതിങ് മോഡലാണ് ഫോൺ 3എ പ്രോ. 50 മെഗാപിക്സൽ പ്രൈമറി ക്യാമറയ്ക്കൊപ്പം 3x ഒപ്റ്റിക്കൽ സൂം നൽകുന്ന 50 മെഗാപിക്സൽ ടെലിഫോട്ടോ ക്യാമറയും 8 മെഗാപിക്സൽ അൾട്രാ വൈഡ് ക്യാമറയുമുണ്ട്.
30,000 രൂപയിൽ താഴെയുള്ള സെഗ്മെന്റിൽ ഉയർന്ന മെഗാപിക്സൽ ക്യാമറകൾ മാത്രമല്ല, ടെലിഫോട്ടോ ലെൻസ്, OIS, AI അധിഷ്ഠിത ഫോട്ടോഗ്രഫി ഫീച്ചറുകൾ തുടങ്ങിയവയും ലഭിക്കുന്നുണ്ട്. അതുകൊണ്ടുതന്നെ ഫോട്ടോഗ്രഫിക്ക് കൂടുതൽ പ്രാധാന്യം നൽകുന്നവർക്ക് ഈ വില വിഭാഗത്തിൽ നിരവധി ഓപ്ഷനുകൾ പരിഗണിക്കാം.
എന്നാൽ ഫോൺ തിരഞ്ഞെടുക്കുമ്പോൾ ക്യാമറ മെഗാപിക്സൽ മാത്രം നോക്കാതെ സെൻസറിന്റെ നിലവാരം, OIS, ടെലിഫോട്ടോ സൗകര്യം, വീഡിയോ റെക്കോർഡിങ്, കുറഞ്ഞ വെളിച്ചത്തിലെ പ്രകടനം എന്നിവയും പരിശോധിക്കുന്നത് പ്രധാനമാണ്.