സാധാരണ പ്രശ്നമെന്ന് കരുതരുത്; ഇവ വൻകുടൽ കാൻസറിന്റെ ലക്ഷണങ്ങളാകാം

ശരീരത്തിൽ ചില മാറ്റങ്ങൾ ഉണ്ടാകുമ്പോൾ അത് സാധാരണ പ്രശ്നമെന്ന് കരുതി പലരും അവഗണിക്കാറുണ്ട്.

എന്നാൽ ചിലപ്പോൾ അവ ഗുരുതരമായ രോഗങ്ങളുടെ മുന്നറിയിപ്പായിരിക്കാം.

വൻകുടലിൽ ഉണ്ടാകുന്ന കോളൻ കാൻസറും അത്തരത്തിൽ തുടക്കത്തിൽ ചെറിയ ലക്ഷണങ്ങളിലൂടെ തന്നെ സൂചന നൽകുന്ന രോഗമാണ്.

കോളൻ കാൻസറിന്റെ പ്രധാന ലക്ഷണങ്ങൾ എന്തൊക്കെയാണെന്ന് നോക്കാം.

സ്ഥിരമായ മലബന്ധം

സ്ഥിരമായ മലബന്ധം അല്ലെങ്കിൽ മലവിസർജ്ജന രീതികളിലെ തുടർച്ചയായ മാറ്റങ്ങൾ കോളൻ കാൻസറിൻ്റെ ആദ്യകാല സൂചനയാകാം. ഇവ അവഗണിക്കരുത്, തുടർച്ചയായുള്ള മലബന്ധം, അല്ലെങ്കിൽ മലത്തിൻ്റെ രൂപത്തിലുള്ള മാറ്റങ്ങൾ എന്നിവയും ശ്രദ്ധിക്കണം.

രക്തസ്രാവം

മലത്തിൽ രക്തം കാണുകയോ മലദ്വാരത്തിൽ നിന്ന് രക്തസ്രാവം ഉണ്ടാകുകയോ ചെയ്യുന്നുണ്ടെങ്കിൽ ശ്രദ്ധവേണം. പ്രധാന മുന്നറിയിപ്പ് ലക്ഷണങ്ങളിൽ ഒന്നാണിത്.

വയറുവേദന

ഗ്യാസ്, വീക്കം, അല്ലെങ്കിൽ വേദന എന്നിവ ഉൾപ്പെടെയുള്ള തുടർച്ചയായ വയറിലെ അസ്വസ്ഥതകൾ ശ്രദ്ധിക്കണം.

കുടലിന്റെ ആരോഗ്യം

മലവിസർജ്ജനത്തിന് ശേഷം കുടൽ പൂർണ്ണമായി കാലിയായില്ല എന്ന തോന്നലും ഒരു പ്രധാന ലക്ഷണമാകാം. ട്യൂമറുകൾ കുടലിനെ ഭാഗികമായി തടസ്സപ്പെടുത്തിയേക്കാം. ഇത് കാരണമായിരിക്കാം ഇത്തരം തോന്നൽ അനുഭവപ്പെടുന്നത്.

എപ്പോഴും ക്ഷീണം

കാരണമില്ലാത്ത ക്ഷീണം അല്ലെങ്കിൽ പെട്ടെന്നുള്ള ബലഹീനത കോളൻ കാൻസറിൻ്റെ ആദ്യകാല ലക്ഷണങ്ങളാകാം. ഇവ ഒരു കാരണവശാലും അവഗണിക്കരുത്.

ശരീരഭാരം കുറയുന്നത്

ഭക്ഷണക്രമത്തിലോ വ്യായാമത്തിലോ മാറ്റങ്ങളില്ലാതെ ശരീരഭാരം കുറയുന്നത് ഒരു മുന്നറിയിപ്പ് ലക്ഷണമാകാം.

വിളർച്ച

കോളൻ കാൻസർ മൂലമുണ്ടാകുന്ന രക്തസ്രാവം കാരണം ഇരുമ്പിൻ്റെ അളവ് കുറയുകയും അത് വിളർച്ചയ്ക്ക് കാരണമാക്കുകയും ചെയ്തേക്കും.

പുറംവേദന

സ്ഥിരമായ പുറം വേദന കോളൻ കാൻസറിൻ്റെ ഒരു മുന്നറിയിപ്പ് ലക്ഷണമാണ്. പലപ്പോഴും, ഇവ അവഗണിക്കപ്പെടാറുണ്ട്. രോഗം പടർന്നു കഴിഞ്ഞാലും പുറംവേദനയുണ്ടാകാം.