മലയാളികൾ ഹൃദയപൂർവ്വം സ്വീകരിച്ച ഹരിത

പട്ടം പോലെ എന്ന സിനിമയിലൂടെ അഭിനയരം​ഗത്തേക്ക് വന്ന നടിയാണ് മാളവിക മോഹനൻ.

സോഷ്യൽ മീഡിയയിൽ സജീവമായ താരത്തിന്റെ പുതിയ ചിത്രങ്ങളും വിശേഷങ്ങളും ആളുകൾ ഏറ്റെടുക്കാറുണ്ട്.

പുതിയതായി ഇറങ്ങിയ മോഹൻലാൽ-സത്യൻ അന്തിക്കാട് ചിത്രം ഹൃദയപൂർവ്വത്തിലെ പ്രധാന കഥാപാത്രമായിരുന്നു താരം.

ചിത്രത്തിലെ ഹരിതയിലൂടെ മലയാളികൾക്ക് ഏറെ പ്രിയപ്പെട്ട നടിയായി മാറി‌യിരിക്കുകയാണ് മാളവിക ഇപ്പോൾ.

സിനിമറ്റോ​ഗ്രാഫർ കെ യു മോഹനന്റെ മകളാണ് മാളവിക‌.

മലയാളത്തിലൂടെ സിനിമയിലെത്തിയെങ്കിലും അധികം മലയാള സിനിമയുടെ ഭാ​ഗമായിരുന്നില്ല മാളവിക.

മലയാളത്തിൽ വന്ന പട്ടംപോലെ, നിർണ്ണായകം, ദി ​ഗ്രേറ്റ്ഫാദർ,​ക്രിസ്റ്റി, ഹൃദയപൂർവ്വം എന്നീ ചിത്രങ്ങളിലെല്ലാം മികച്ച പ്രകടനമാണ് താരം കാഴ്ചവെച്ചത്.

മലയാളത്തിന് പുറമേ തമിഴ്, തെലുങ്കു, കന്നഡ, ഹിന്ദി ചിത്രങ്ങളിലെല്ലാം ഈ മുബൈ മലയാളി സാന്നിധ്യം ഉറപ്പിച്ചിട്ടുണ്ട്.

രാജാ സാബ്, സർദാർ തുടങ്ങിയ ചിത്രങ്ങളാണ് താരത്തിന്റേതായി റിലീസിനൊരുങ്ങുന്നത്