ചുവപ്പ് സാരിക്കൊപ്പം അമ്മയുടെ ആഭരണങ്ങളും; മനോഹരിയായി മാളവിക

മലയാളത്തിലൂടെ എത്തി ബോളിവുഡില്‍ സാന്നിധ്യം അറിയിച്ച നടിയാണ് മാളവിക മോഹനൻ.

ഇപ്പോള്‍ പുതിയ ചിത്രം തങ്കലാന്റെ പ്രമോഷന്‍ തിരക്കിലാണ് താരം. വിക്രം നായകനായി എത്തുന്ന ചിത്രത്തിൽ പ്രധാന വേഷത്തിലാണ് മാളവിക എത്തുന്നത്.

സോഷ്യല്‍ മീഡിയയില്‍ വൈറലാവുന്നത് താരത്തിന്റെ പുതിയ ചിത്രങ്ങളാണ്.

ചുവപ്പ് സാരിയില്‍ അതിസുന്ദരിയായാണ് മാളവിക പ്രത്യക്ഷപ്പെടുന്നത്.

ചെറിയ കസവ് കര വരുന്ന സാരിക്കൊപ്പം അതേ നിറത്തിലുള്ള ബ്ലൗസ് തന്നെയാണ് പെയര്‍ ചെയ്തിരിക്കുന്നത്.

സ്വര്‍ണ കമ്മലും മുത്തുകള്‍ പിടിപ്പിച്ച വളയുമാണ് ആക്‌സസറീസായി നല്‍കിയിരിക്കുന്നത്. ആഭരണങ്ങള്‍ അമ്മയുടേതാണെന്നും സോഷ്യല്‍ മീഡിയയില്‍ പങ്കുവച്ച കുറിപ്പില്‍ മാളവിക പറയുന്നുണ്ട്.

സോഷ്യല്‍ മീഡിയയില്‍ വൈറലാവുകയാണ് ചിത്രങ്ങള്‍. നിരവധി ആരാധകരാണ് താരത്തിന്റെ ലുക്കിന് പ്രശംസിച്ചുകൊണ്ട് രംഗത്തെത്തിയിരിക്കുന്നത്.