സൗഹൃദം എന്ന് പറഞ്ഞാൽ ഇതാണ്! കണ്ടിരിക്കാം ഈ ചിത്രങ്ങൾ

ഫ്രണ്ട്ഷിപ്പ് ഡേ

സൗഹൃദത്തിന്റെ കഥകളുമായി മറ്റൊരു ഫ്രണ്ട്ഷിപ്പ് ഡേ കൂടി വന്നിരിക്കുകയാണ്. സുഹൃത്തുക്കളുടെ കഥ പറഞ്ഞ നിരവധി സിനിമകൾ മലയാളത്തിലുണ്ടായിട്ടുണ്ട്. അത്തരം ചില സിനിമകളിലൂടെ.

നാടോടിക്കാറ്റ്

മലയാളികൾക്ക് ഒരിക്കലും മറക്കാൻ പറ്റാത്ത രണ്ട് സുഹൃത്തുക്കളാണ് ദാസനും വിജയനും. സത്യന്‍ അന്തിക്കാട്, മോഹന്‍ലാല്‍, ശ്രീനിവാസന്‍ കൂട്ടുകെട്ടിലാണ് ഈ മനോഹര ചിത്രമൊരുങ്ങിയത്.

ഇൻ ഹരിഹർ ന​ഗർ

1990ല്‍ സിദ്ദിഖ് - ലാല്‍ കൂട്ടുകെട്ടിലാണ് ചിത്രമെത്തിയത്. ഗോവിന്ദൻ കുട്ടി, മഹാദേവൻ, തോമസുകുട്ടി, അപ്പുക്കുട്ടൻ എന്നിവരുടെ സൗഹൃദം മലയാളികൾക്ക് ഇന്നും ആഘോഷമാണ്.

ഫ്രണ്ട്സ്

സിദ്ദിഖ് - ലാല്‍ കൂട്ടുകെട്ടിന്റെ മറ്റൊരു മനോഹര ചിത്രം. അരവിന്ദൻ, ചന്തു, ജോയി ഇവരുടെ സൗഹൃദത്തെ ചുറ്റിപ്പറ്റിയായിരുന്നു ചിത്രം പുറത്തിറങ്ങിയത്.

ഹരികൃഷ്ണൻസ്

മമ്മൂട്ടിയും മോഹന്‍ലാലും മത്സരിച്ചഭിനയിച്ച ചിത്രമായിരുന്നു ഇത്. ഫാസിലായിരുന്നു രചനയും സംവിധാനവും നിര്‍വഹിച്ചത്. ജൂഹി ചൗള മലയാളത്തിലെത്തിയ ആദ്യ ചിത്രം കൂടിയായിരുന്നു ഇത്.

സ്വപ്നക്കൂട്

കമൽ സംവിധാനം ചെയ്ത ചിത്രത്തിൽ കുഞ്ചാക്കോ ബോബൻ, പൃഥ്വിരാജ്, ജയസൂര്യ, മീര ജാസ്മിൻ, ഭാവന എന്നിവരായിരുന്നു ചിത്രത്തിൽ പ്രധാന വേഷത്തിലെത്തിയത്.

മലർവാടി ആർട്സ് ക്ലബ്

ഒരു ഗ്രാമത്തിലെ അഞ്ച് ചെറുപ്പക്കാരുടെ സൗഹൃദമായിരുന്നു ചിത്രം പറഞ്ഞത്. വിനീത് ശ്രീനിവാസൻ ആയിരുന്നു ചിത്രം സംവിധാനം ചെയ്തത്.

ക്ലാസ്മേറ്റ്സ്

മലയാളത്തിലെ ഏറ്റവും മികച്ച ക്യാംപസ് ചിത്രമായിരുന്നു ഇത്. സൗഹൃദവും പ്രണയവും രാഷ്ട്രീയവും എല്ലാം ചേര്‍ത്തൊരുക്കിയ ചിത്രമായിരുന്നു ക്ലാസ്മേറ്റ്സ്.