എ എം
ഓഹരി വിപണിയിലെ (share market) പത്തുമുന്‍നിര കമ്പനികളില്‍ ഒന്‍പതെണ്ണത്തിന്റെ വിപണി മൂല്യത്തില്‍ ഒരു ലക്ഷം കോടിയിലധികം രൂപയുടെ വര്‍ധന. 1,00, 850.96 കോടിയായാണ് വര്‍ധിച്ചത്.
വെള്ളിയാഴ്ച അവസാനിച്ച ആഴ്ചയില്‍ ബിഎസ്ഇ സെന്‍സെക്‌സ് 737.98 പോയിന്റ് ആണ് ഉയര്‍ന്നത്. 0.90 ശതമാനം വര്‍ധന
ടിസിഎസ് ഒഴികെയുള്ള ഒന്‍പത് മുന്‍നിര കമ്പനികളാണ് നേട്ടം ഉണ്ടാക്കിയത്. റിലയന്‍സും എച്ച്ഡിഎഫ്‌സി ബാങ്കുമാണ് ഏറ്റവുമധികം നേട്ടം സ്വന്തമാക്കിയത്
റിലയന്‍സിന്റെ വിപണി മൂല്യത്തില്‍ 30,786 കോടിയുടെ വര്‍ധനയാണ് ഉണ്ടായത്. ഇതോടെ റിലയന്‍സിന്റെ വിപണി മൂല്യം 19,53,480 കോടിയായി ഉയര്‍ന്നു
എച്ച്ഡിഎഫ്‌സി ബാങ്ക് 26,668 കോടി, ബജാജ് ഫിനാന്‍സ് 12,322 കോടി, ഐസിഐസിഐ ബാങ്ക് 9,790 കോടി, ഹിന്ദുസ്ഥാന്‍ യൂണിലിവര്‍ 9,280 കോടി, ഭാരതി എയര്‍ടെല്‍ 7,127 കോടി എന്നിങ്ങനെയാണ് മറ്റു കമ്പനികളുടെ വിപണി മൂല്യത്തില്‍ ഉണ്ടായ വര്‍ധന
ടിസിഎസിന്റെ വിപണി മൂല്യത്തില്‍ 28,510 കോടിയുടെ നഷ്ടമാണ് ഉണ്ടായത്. 12,24,975 കോടിയായാണ് വിപണി മൂല്യം താഴ്ന്നത്
കമ്പനികളുടെ വിപണി മൂല്യത്തില്‍ റിലയന്‍സ് തന്നെയാണ് മുന്നില്‍. രണ്ടാം സ്ഥാനത്ത് എച്ച്ഡിഎഫ്‌സി ബാങ്ക് ആണ്. ടിസിഎസ്, ഭാരതി എയര്‍ടെല്‍, ഐസിഐസിഐ ബാങ്ക്, എസ്ബിഐ എന്നിങ്ങനെയാണ് തൊട്ടുപിന്നില്‍
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates