ഇനി പാല്‍ തിളച്ചു തൂവില്ല; ഇങ്ങനെ ചെയ്താൽ മതി

അടുപ്പത്ത് പാൽ തിളക്കാൻ വെച്ചാൽ മിക്ക സമയങ്ങളിലും അത് പാത്രത്തിൽനിന്നും തുളുമ്പി പോവുമ്പോൾ മാത്രമാണ് നമ്മൾ സ്റ്റൗ ഓഫ് ചെയ്യാറുള്ളത്.‌‌

തിളപ്പിക്കാൻ വെച്ചതിനുശേഷം എന്തെങ്കിലും ആവശ്യങ്ങൾക്കായി പോകുമ്പോഴായിരിക്കും പാൽ തിളച്ച് തുളുമ്പുന്നത്.

എന്നാൽ ഇത്തരത്തിൽ പാൽ തിളച്ച് പുറത്തേക്ക് പോകാതിരിക്കാനുള്ള ചില ട്രിക്കുകൾ നോക്കാം.

പാല്‍ അടുപ്പത്ത് വച്ച ശേഷം അടുക്കളയില്‍ നിന്നും ഒരിക്കലും പുറത്തേക്ക് പോകരുത്. തീ ഇടയ്ക്ക് കൂട്ടുകയും കുറയ്ക്കുകയും ചെയ്യേണ്ടതിനാല്‍, പുറത്ത് പോയി വരുമ്പോഴേക്കും പാല്‍ മുഴുവനും തിളച്ചു തൂവി പോകാനുള്ള സാധ്യത വളരെയധികമാണ്.

പാല്‍ പുറത്തേക്ക് തിളച്ചുതൂവാതിരിക്കാന്‍ അത്യാവശ്യം വലുപ്പമുള്ള പാത്രം തിരഞ്ഞെടുക്കുക എന്നതാണ്. അങ്ങനെ, ചൂടാക്കുമ്പോൾ പാലിന് വികസിക്കാൻ ധാരാളം ഇടം ലഭിക്കുകയും പുറത്തേക്ക് ഒഴുകുന്നത് തടയുകയും ചെയ്യും.

കനമുള്ള അടിഭാഗത്തോട് കൂടിയ പാത്രം തിരഞ്ഞെടുക്കുക. പാത്രത്തിന്‍റെ കട്ടിയുള്ള അടിഭാഗം ചൂട് തുല്യമായി വിതരണം ചെയ്യുകയും പാല്‍ പെട്ടെന്ന് തിളച്ചു തൂവിപ്പോകാതിരിക്കാന്‍ സഹായിക്കും.

പാല്‍ കവിഞ്ഞൊഴുകാതിരിക്കാനുള്ള മറ്റൊരു ട്രിക്ക്, പാത്രത്തിനു കുറുകെ മരം കൊണ്ടുള്ള തവി വയ്ക്കുക എന്നതാണ്. ഓരോ തവണ പാല്‍ തിളച്ച് മുകളിലേക്ക് വരുമ്പോഴും, അത് ഈ തവിയില്‍ തട്ടി താഴേയ്ക്ക് തന്നെ തിരിച്ചു പൊയ്ക്കോളും.

പാലിൽ ഒരു ചെറിയ നുള്ള് ഉപ്പ് ചേർക്കുന്നത് തിളച്ചുതൂവാതിരിക്കാന്‍ വളരെ ഫലപ്രദമാണ്. എന്നാല്‍ അധികം ചേര്‍ക്കാതിരിക്കുക.