പുതിന ദിവസങ്ങളോളം കേടുവരാതിരിക്കും; ചില ഹാക്കുകൾ

അടുക്കളയിൽ ഒഴിച്ചുകൂടാൻ കഴിയാത്തതും നിരവധി ഔഷധ ഗുണങ്ങളുള്ള ഒന്നാണ് പുതിന.

എന്നാൽ പുതിന വാങ്ങി രണ്ട് ദിവസം കഴിയുമ്പോഴേക്കും കേടുവരുന്നു.

ശരിയായ രീതിയിൽ സൂക്ഷിച്ചാൽ എത്ര ദിവസം വരെയും ഇത് കേടുവരാതിരിക്കും. പുതിന സൂക്ഷിക്കേണ്ടത് എങ്ങനെയാണെന്ന് അറിയാം.

ഫ്രഷായി സൂക്ഷിക്കാം

തണ്ട് മുറിച്ച് കളഞ്ഞ പുതിന വെള്ളത്തിൽ നന്നായി കഴുകിയെടുക്കണം. പിന്നീട് ഒരു പാത്രത്തിൽ ഇലകൾ മുകളിൽ വരുന്ന രീതിയിൽ കുറച്ച് വെള്ളത്തിൽ മുക്കിവയ്ക്കാം.

വായുകടക്കാത്ത രീതിയിൽ സൂക്ഷിക്കാം

കഴുകിയ പുതിന ഈർപ്പമുള്ള പേപ്പർ ടവലിൽ പൊതിഞ്ഞ് സിപ് ലോക്ക് ബാഗിലാക്കി ഫ്രിഡ്ജിൽ വയ്ക്കാം. ഇങ്ങനെ ചെയ്യുന്നത് ദിവസങ്ങളോളം പുതിന കേടുവരാതിരിക്കാൻ സഹായിക്കുന്നു.

ഫ്രീസ് ചെയ്യാം

പുതിന ചെറുതായി മുറിച്ച് വെള്ളത്തിലിട്ട് ഫ്രീസ് ചെയ്ത് ഫ്രീസർ ബാഗിലേക്ക് മാറ്റാവുന്നതാണ്. എത്ര ദിവസം വരെയും ഇത് കേടുവരാതിരിക്കും.