ഒരു കപ്പ് കാപ്പിക്ക് ഇത്രയും രൂപയോ? അത്ര വിലയുള്ള രഹസ്യം എന്താണ്?

നാം സാധാരണയായി ഒരു കപ്പ് കോഫിക്ക് അമ്പതോ അ‍ഞ്ഞൂറോ രൂപ വരെ ചെലവഴിക്കാറുണ്ട്.

ഒരു കപ്പിന് 87,000 രൂപ വില വരുന്ന കാപ്പി ഉണ്ടെന്ന് പറഞ്ഞാൽ നിങ്ങൾ വിശ്വസിക്കുമോ?

എന്നാൽ അങ്ങനെ ഒരു കാപ്പിയുണ്ട്. നമ്മുടെ ദുബായിയിൽ

ലോകത്തിലെ ഏറ്റവും വിലകൂടിയ കാപ്പികളിലൊന്നായ ഈ കാപ്പിക്ക് പിന്നിൽ ദുബായിലെ പ്രശസ്ത റോസ്റ്റേഴ്സ് കോഫി ഷോപ്പായ ജൂലിത്ത് കഫേയാണ്.

ഉയർന്ന ഗുണനിലവാരത്തിലും പരിമിതമായ അളവിലും മാത്രം ലഭിക്കുന്ന കാപ്പിക്കുരു ഉപയോ​ഗിച്ചാണ് ഈ കാപ്പി ഉണ്ടാക്കുന്നത്.

പടിഞ്ഞാറൻ പനാമയിലെ ബെറൂ അഗ്നിപർവതത്തിന്റെ ചരിവുകളിൽ വളരുന്ന, അപൂർവവും പ്രീമിയവുമായ നിഡോ 7 ഇനം ഗെയ്ഷ ബീൻസാണ് ഈ കോഫിയെ വ്യത്യസ്തമാക്കുന്നത്.

പനാമയിൽ നടന്ന ഒരു ലേലത്തിലൂടെയാണ് ജൂലിത്ത് കഫേ ഈ കാപ്പിക്കുരു വാങ്ങിയത്. 20 കിലോഗ്രാം കാപ്പിക്കുരുവിന് ഏകദേശം 2.2 ദശലക്ഷം ദിർഹം (600,000 ഡോളർ) നൽകിയാണ് അവരത് സ്വന്തമാക്കിയത്.

ഒരു കപ്പ് കാപ്പി ജൂലിത്ത് കഫേയിൽ വിൽക്കുന്നത് ഏകദേശം 3,600 ദിർഹത്തിനാണ്.

ഗിന്നസ് റെക്കോഡിലിടം നേടിയ ലോകത്തിലെ ഏറ്റവും വിലകൂടിയ കാപ്പികൂടിയാണിത്.

മുല്ലപ്പൂ പോലുള്ള വെളുത്ത പൂക്കളുടെ സുഗന്ധവും, ഓറഞ്ച്, ബെർഗാമോട്ട് തുടങ്ങിയ സിട്രസ് ഫ്ലേവറുകളും, ആപ്രിക്കോട്ട്, പീച്ച് എന്നിവയുടെ നേരിയ രുചിയുംതേൻ പോലെ മധുരവുമാണ് ഈ വിലകൂടിയ കാപ്പിയ്ക്കുള്ളത്.