സമകാലിക മലയാളം ഡെസ്ക്
മുംബൈയിലെ ആദ്യത്തെ ഭൂഗര്ഭ മെട്രോ റെയില് ഇടനാഴി ജൂലൈ 24 മുതല് പ്രവര്ത്തനം ആരംഭിക്കും. മെട്രോ ലൈന് ത്രീ എന്നാണ് ഇത് അറിയപ്പെടുക.
മുംബൈ മെട്രോ അക്വാ ലൈന് അല്ലെങ്കില് കൊളാബ-ബാന്ദ്ര- സീപ്സ് ലൈന് എന്നും അറിയപ്പെടുന്ന മുംബൈ മെട്രോ ലൈന് 3, ദക്ഷിണ മുംബൈയെ നഗരത്തിന്റെ പടിഞ്ഞാറന് പ്രാന്തപ്രദേശങ്ങളുമായി ബന്ധിപ്പിക്കുന്ന പാതയാണ്.
ഭൂഗര്ഭ പാതയ്ക്ക് 33.5 കിലോമീറ്റര് ദൂരമാണ് വരിക. ഇത് സബര്ബന് പ്രദേശവാസികളുടെ യാത്രാ ബുദ്ധിമുട്ട് പരിഹരിക്കും.
കഴിഞ്ഞ മാസമാണ് റിസര്ച്ച് ഡിസൈന്സ് ആന്ഡ് സ്റ്റാന്ഡേര്ഡ്സ് ഓര്ഗനൈസേഷന് ഭൂഗര്ഭ മുംബൈ മെട്രോ ലൈന് 3 ന്റെ പരീക്ഷണയോട്ടം വിജയകരമായി പൂര്ത്തിയാക്കിയത്.
മെട്രോ ലൈന് 3 പദ്ധതിക്ക് ജപ്പാന് ഇന്റര്നാഷണല് കോ-ഓപ്പറേഷന് ഏജന്സി (JICA) ആണ് ധനസഹായം നല്കുന്നത്.
ഈ വര്ഷം ഫെബ്രുവരിയില് കേന്ദ്ര സര്ക്കാര് അംഗീകരിച്ച, പുതുക്കിയ ചെലവായ 37,276 കോടി രൂപയില് 21,280 കോടി രൂപയും ജപ്പാന് ഇന്റര്നാഷണല് കോ-ഓപ്പറേഷന് ഏജന്സിയുടെ വായ്പയാണ്.
ഒരേ സമയം 3000 പേർക്ക് വരെ യാത്ര ചെയ്യാൻ കഴിയുന്ന ട്രെയിനുകളാണ് പാതയിൽ സർവീസ് നടത്തുക
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates