കൂൺ ഈസിയായി വൃത്തിയാക്കാം

ധാരാളം ആരോഗ്യ ഗുണങ്ങള്‍ അടങ്ങിയതാണ് 'കൂൺ' അഥവാ മഷ്‌റൂം.

പ്രോട്ടീന്‍, അമിനോ ആസിഡുകള്‍ എന്നിവ ധാരാളമായി കൂണിൽ അടങ്ങിയിരിക്കുന്നു.

വ്യത്യസ്ത രീതിയിൽ നമ്മൾ കൂണുകളെ പാകം ചെയ്ത് കഴിക്കാറുണ്ട്.

പക്ഷെ കൂണുകൾ വൃത്തിയാക്കുന്നത് വളരെ ടാസ്ക്കുള്ള പരിപാടിയാണ്.

ചില ടിപ്സുകൾ പ്രയോ​ഗിച്ചാൽ കൂണുകൾ ഈസിയായി വൃത്തിയാക്കാൻ കഴിയും.

തണുത്ത വെള്ളത്തിൽ നന്നായി കഴുകിയതിന് ശേഷം മഷ്‌റൂം കഷ്ണങ്ങളാക്കി മുറിച്ചെടുത്ത് വീണ്ടും നന്നായി കഴുകി വൃത്തിയാക്കാം. ചെറിയ കഷ്ണങ്ങളാക്കി മുറിക്കുന്നത് കഴുകാനും പാകം ചെയ്യാനും എളുപ്പമാണ്.

കഴുകിയെടുത്ത കൂണുകളെ ഒരു ടിഷ്യൂ ഉപയോ​ഗിച്ച് നന്നായി തുടച്ചെടുക്കുക. ഇത് കൂണിന് മുകളിലുള്ള അഴുക്ക് പിടിച്ച തൊലി വേ​ഗത്തിൽ ഇളക്കിയെടുക്കാൻ സഹായിക്കുന്നു.

ഒരു പാത്രത്തിൽ കൂൺ ഇട്ട് അതിന് മുകളിൽ അരിപ്പൊടിയോ മൈദയോ ഇട്ട് കൊടുക്കുക. എന്നിട്ട് ഇത് നന്നായി കൈകൾ ഉപയോ​ഗിച്ച് ഉരച്ച് വൃത്തിയാക്കുക. പെട്ടന്ന് കൂണുകളിലെ ചളികളും മറ്റും കളയാൻ ഈ രീതി സഹായിക്കും.

മഷ്‌റൂം നന്നായി കഴുകിയതിന് ശേഷം കത്തി ഉപയോഗിച്ച് തൊലി കളയണം. ശേഷം കഴുകി വൃത്തിയാക്കിയാൽ മതി.