എട്ടു ലക്ഷം രൂപ കൈയില്‍ ഉണ്ടോ?; അഞ്ചു കോടിയായി മാറ്റാം

മ്യൂച്വല്‍ ഫണ്ടുകളില്‍ നിക്ഷേപിക്കുന്നതിനുള്ള രണ്ട് പ്രധാന മാര്‍ഗങ്ങളാണ് ലംപ്‌സവും സിസ്റ്റമാറ്റിക് ഇന്‍വെസ്റ്റ്മെന്റ് പ്ലാനും (SIP).

സാധാരണയായി ആളുകള്‍ എസ്‌ഐപി വഴിയാണ് മ്യൂച്വല്‍ ഫണ്ടില്‍ നിക്ഷേപിക്കുന്നത്. കാരണം എല്ലാ മാസവും നിശ്ചിത തുക നിക്ഷേപിച്ചാല്‍ മതി.

വലിയൊരു തുക ഒറ്റത്തവണയായി നിക്ഷേപിക്കുന്ന മാര്‍ഗമാണ് ലംപ് സം.

റിട്ടയര്‍മെന്റ് കോര്‍പ്പസിനായി കാത്തിരിക്കുന്നവര്‍ തീര്‍ച്ചയായും ദീര്‍ഘകാലത്തേക്ക് നിക്ഷേപിക്കുന്നതാണ് നല്ലത്.

ജോലിയില്‍ പ്രവേശിച്ച് കുറച്ച് നാളുകള്‍ക്കുള്ളില്‍ തന്നെ മ്യൂച്വല്‍ ഫണ്ടില്‍ നിക്ഷേപിച്ചാല്‍ ഏകദേശം 50 വയസ്സാകുമ്പോഴേക്കും വലിയ മൂലധനം സൃഷ്ടിക്കാന്‍ സാധിക്കുമെന്ന് വിപണി വിദഗ്ധര്‍ അഭിപ്രായപ്പെടുന്നു

ഉദാഹരണമായി 8 ലക്ഷം രൂപ ഒറ്റത്തവണ നിക്ഷേപം നടത്തി അത് ദീര്‍ഘകാലാടിസ്ഥാനത്തില്‍ നിലനിര്‍ത്തിയാല്‍ അഞ്ചു കോടിയുടെ കോര്‍പ്പസ് സൃഷ്ടിക്കാനാവുമെന്നാണ് കണക്കുകൂട്ടല്‍

ശരാശരി 12 ശതമാനം വാര്‍ഷിക വരുമാനം പ്രതീക്ഷിച്ച് എട്ടുലക്ഷം രൂപ ഒറ്റത്തവണയായി നിക്ഷേപിച്ചാല്‍ ഏകദേശം 37 വര്‍ഷത്തിനുള്ളില്‍ കോര്‍പ്പസ് 5,29,85,474 രൂപയാകുമെന്ന് വിപണി വിദഗ്ധര്‍ കണക്കുകൂട്ടുന്നു

മ്യൂച്ചൽ ഫണ്ട് നിക്ഷേപം വിപണി അധിഷ്ഠിതമായത് കൊണ്ട് റിട്ടേണിന് ഗ്യാരണ്ടി നല്‍കാന്‍ സാധിക്കില്ല. എങ്കിലും ദീര്‍ഘകാലം ലക്ഷ്യമിട്ട് നിക്ഷേപം നടത്തിയാല്‍ നേട്ടം ഉണ്ടാക്കാന്‍ കഴിയുമെന്നാണ് വിദഗ്ധരുടെ അഭിപ്രായം