കൈകളിലെ ടാൻ അകറ്റാം, ഈ പ്രകൃതിദത്ത മാർഗ്ഗങ്ങൾ മതി

വെയിലേറ്റ് കരുവാളിച്ച ചർമ്മം എങ്ങനെ അകറ്റാം എന്ന ചിന്തയിലാണോ നിങ്ങൾ? അതിനുള്ള ചില പരിഹാരമാർഗ്ഗങ്ങളുണ്ട്.

കൈകളിലെ ഇത്തരത്തിൽ ഉണ്ടാകുന്ന നിറ വ്യത്യാസം അകറ്റാനും കൈകൾ ഭംഗിയോടെ കാത്ത് സൂക്ഷിക്കാനും സഹായകരമാകുന്ന ചില വിദ്യകളുണ്ട്, അവ ഏതൊക്കെയെന്ന് നോക്കാം.

തൈരും മഞ്ഞളും

ഒരു ബൗൾ തൈരിൽ ഒരു ടീസ്പൂൺ മഞ്ഞൾപ്പൊടി ചേർത്ത് യോജിപ്പിച്ച് കൈകളിൽ പുരട്ടുക. ഏകദേശം 20 മിനിറ്റിന് ശേഷം ശുദ്ധമായ വെള്ളത്തിൽ കഴുകുക. തൈരിൽ പ്രോബയോട്ടിക്സ് ചർമ്മത്തിന് തിളക്കവും ഈർപ്പവും നൽകുന്നു. മഞ്ഞൾ ചർമ്മത്തിന്റെ നിറം മെച്ചപ്പെടുത്തുന്നു.

നാരങ്ങ നീര്

ചെറുനാരങ്ങാനീരിലെ വിറ്റാമിൻ സി ചർമ്മകോശങ്ങളെ അൾട്രാവയലറ്റ് രശ്മികളിൽ നിന്ന് സംരക്ഷിക്കുന്നു. ഒരു ബൗൾ ചെറുനാരങ്ങാനീര് കുറച്ച് വെള്ളവുമായി ലയിപ്പിക്കാം. അല്ലെങ്കിൽ തൈരിൽ ചേർക്കാം. ഇത് എടുത്ത് കൈകളിൽ പുരട്ടുക. 15 മിനിറ്റിന് ശേഷം തണുത്ത വെള്ളത്തിൽ കഴുകി കളയാം. അതിനു ശേഷം ചർമ്മത്തെ മോയ്സ്ചറൈസ് ചെയ്യുക.

ബദാം

ബദാമിൽ വിറ്റാമിനുകൾ അടങ്ങിയിട്ടുണ്ട്, ഇത് ചർമ്മത്തെ സംരക്ഷിക്കുന്നു. 5 മുതൽ 6 വരെ ബദാം എടുത്ത് രാത്രി മുഴുവൻ വെള്ളത്തിൽ കുതിർത്ത് വയ്ക്കുക. ബദാം ചെറിയ അളവിൽ പാലുമായി യോജിപ്പിച്ച് പേസ്റ്റ് രൂപത്തിലാക്കുക. ഈ പേസ്റ്റ് പുരട്ടി ഒരു മണിക്കൂറിന് ശേഷം ശുദ്ധജലത്തിൽ കഴുകി കളയുക.

ചന്ദനവും മഞ്ഞൾപ്പൊടിയും

രണ്ട് ടീസ്പൂൺ ചന്ദനപ്പൊടിയും മഞ്ഞൾപ്പൊടിയും എടുത്ത് നന്നായി ഇളക്കുക. ഇതിലേക്ക് 2 മുതൽ 3 തുള്ളി റോസ് വാട്ടർ ചേർത്ത് കട്ടിയുള്ള പേസ്റ്റ് ഉണ്ടാക്കുക. ഈ പേസ്റ്റ് നിങ്ങളുടെ കൈകളിൽ പുരട്ടി 30 മിനിറ്റിന് ശേഷം കഴുകിക്കളയുക

കറ്റാർ വാഴ ജെൽ

കറ്റാർ വാഴ ജെല്ലിൽ അടങ്ങിയിരിക്കുന്ന ആന്റിഓക്‌സിഡന്റുകൾ നമ്മുടെ ചർമ്മകോശങ്ങളെ കേടുപാടുകളിൽ നിന്ന് സംരക്ഷിക്കുകയും കരുവാളിപ്പ് നീക്കം ചെയ്യാൻ സഹായിക്കുകയും ചെയ്യുന്നു. കുറച്ച് കറ്റാർ വാഴ ക്ലിയർ ജെൽ എടുത്ത് കൈകളിൽ പുരട്ടുക. രാത്രി മുഴുവൻ വെച്ചിട്ട് രാവിലെ ശുദ്ധജലത്തിൽ കഴുകി കളയുക

വെള്ളരിക്ക

വെള്ളരിക്ക വിറ്റാമിനുകളാൽ സമ്പുഷ്ടമാണ്, ഇത് ചർമ്മത്തിന്റെ നിറം മെച്ചപ്പെടുത്താനും നഷ്ടപ്പെട്ട തിളക്കം വീണ്ടെടുക്കാനും സഹായിക്കുന്നു. കുക്കുമ്പർ നീര് എടുത്ത് അതിൽ കുറച്ച് തുള്ളി നാരങ്ങ നീര് ചേർക്കുക. ഈ പേസ്റ്റ് നിങ്ങളുടെ കൈകളിൽ പുരട്ടി 30 മിനിറ്റ് കഴിഞ്ഞാൽ കഴുകിക്കളയുക.