ഈ വസ്ത്രങ്ങൾ ഒരിക്കലും വാഷിംഗ് മെഷീനില്‍ കഴുകരുത്

പലതരത്തിലുള്ള തുണിത്തരങ്ങൾ വൃത്തിയാക്കാനാണ് വാഷിംഗ് മെഷീൻ നിർമ്മിച്ചിരിക്കുന്നത്. എന്നിരുന്നാലും ചില വസ്ത്രങ്ങൾ വാഷിംഗ് മെഷീനിൽ കഴുകാൻ പാടില്ല.

എല്ലാ വസ്ത്രങ്ങളുടെയും പിൻഭാഗത്തതായി കെയർ ടാഗ് ഉണ്ടായിരിക്കും.അതനുസരിച്ച് മാത്രം വസ്ത്രങ്ങൾ വൃത്തിയാക്കാൻ ശ്രദ്ധിക്കാം.

വാഷിംഗ് മെഷീനില്‍ ഇടുന്നത് ദോഷം ചെയ്യുന്ന വസ്ത്രങ്ങൾ എന്തൊക്കെയാണെന്നറിയാം.

അലങ്കാരങ്ങളുള്ള വസ്ത്രങ്ങള്‍

സ്വീക്വന്‍സുകള്‍, മുത്തുകള്‍, എംബ്രോയിഡറി, ബട്ടണുകള്‍ ഇവയുള്ള വസ്ത്രങ്ങൾ വാഷിം​ഗ് മിഷീനിൽ ഇടരുത്. ഇവ വസ്ത്രങ്ങള്‍ അലക്കുമ്പോള്‍ മെഷീനില്‍ ഇളകി വീഴുന്നു. കട്ടി കുറഞ്ഞ തുണിയാണെങ്കില്‍ അവ കീറി പോകാന്‍ സാധ്യതയുണ്ട്.

ഷൂസും ഭാരമുള്ള വസ്തുക്കളും

ഷൂസും ഭാരമുളള വസ്തുക്കളും അല്ലെങ്കില്‍ പരിധിയിലധികം തുണികളും വാഷിംഗ് മെഷീനില്‍ ഇടുകയാണെങ്കില്‍ മെഷീന്‍ ശരിയായി ചലിക്കാന്‍ പാടുപെടുന്നു.

കറകള്‍ പറ്റിപ്പിടിച്ച വസ്ത്രങ്ങള്‍

എണ്ണയോ രാസവസ്തുക്കളോ പോലെയുള്ള കറകള്‍ പറ്റിപ്പിടിച്ച വസ്ത്രങ്ങള്‍ അതേപടി വാഷിംഗ് മെഷീനില്‍ ഇട്ട് കഴുകുന്നതും ഡ്രയറില്‍ ഇട്ട് ഉണക്കുകയും ചെയ്യുന്നത് ഡ്രയറില്‍ കറപറ്റാനോ തീപിടുത്ത സാധ്യതയ്‌ക്കോ ഇടയാക്കും.

വളര്‍ത്തുമൃഗങ്ങളുടെ രോമങ്ങള്‍ പറ്റിപ്പിടിച്ച വസ്ത്രങ്ങള്‍

ഇവ കഴുകുമ്പോള്‍ മറ്റു വസ്ത്രങ്ങളില്‍ ഒട്ടിയിരിക്കുകയും മെഷീനിലും പൈപ്പിലും അടിഞ്ഞുകൂടിയിരിക്കുകയും പിന്നീട് ദുര്‍ഗന്ധവും ഉണ്ടാക്കുകയും ചെയ്യും. അതുകൊണ്ട് ആദ്യം ബ്രഷ് ഉപയോഗിച്ച് രോമങ്ങള്‍ നീക്കം ചെയ്ത ശേഷം വേണം വാഷിംഗ് മെഷീനില്‍ ഇടാന്‍.