'റോന്തും' 'സംശയവും' കാണാൻ മറക്കണ്ട; പുത്തൻ ഒടിടി റിലീസുകൾ

റോന്ത്

ദിലീഷ് പോത്തൻ, റോഷൻ മാത്യു എന്നിവർ പ്രധാന വേഷങ്ങളിലെത്തിയ റോന്ത് ഒടിടി റിലീസിനൊരുങ്ങുകയാണ്. ജൂലൈ 22 ന് ജിയോ ഹോട്ട്സ്റ്റാറിലൂടെ ചിത്രം സ്ട്രീം ചെയ്ത് തുടങ്ങും. തമിഴ്, തെലുങ്ക്, കന്നഡ, ഹിന്ദി, മലയാളം ഭാഷകളിൽ ചിത്രം ലഭ്യമാകും.

സംശയം

വിനയ് ഫോർട്ടും ലിജോ മോളും തകർത്തഭിനയിച്ച ചിത്രമാണ് സംശയം. തിയറ്ററുകളിൽ മികച്ചാഭിപ്രായമാണ് ചിത്രത്തിന് ലഭിച്ചത്. ഇപ്പോഴിതാ ചിത്രം ഒടിടി റിലീസിനൊരുങ്ങുകയാണ്. ജൂലൈ 24 ന് മനോരമ മാക്സിലൂടെയാണ് ചിത്രമെത്തുക.

കുബേര

ധനുഷ്, നാ​ഗാർജുന, രശ്മിക മന്ദാന എന്നിവർ ഒന്നിച്ചെത്തിയ സൂപ്പർ ഹിറ്റ് ചിത്രമാണ് കുബേര. തിയറ്ററിലെ വൻ വിജയത്തിന് ശേഷം ചിത്രം ഒടിടിയിലെത്തിയിരിക്കുകയാണ്. ആമസോൺ പ്രൈം വിഡിയോയിലൂടെ ചിത്രം കാണാം.

ഡിഎൻഎ

അഥർവ, നിമിഷ സജയൻ എന്നിവർ പ്രധാന വേഷങ്ങളിലെത്തിയ ചിത്രമാണ് ഡിഎൻഎ. ജിയോ ഹോട്ട്സ്റ്റാറിലൂടെ ചിത്രം സ്ട്രീമിങ് ആരംഭിച്ചു. തമിഴ്, തെലുങ്ക്, കന്നഡ, ഹിന്ദി, മലയാളം ഭാഷകളിൽ ചിത്രം ലഭ്യമാകും.

അസ്ത്രാ

അമിത് ചക്കാലക്കൽ നായകനായെത്തിയ ചിത്രമാണ് അസ്ത്രാ. മനോരമ മാക്സിലൂടെ ചിത്രം സ്ട്രീമിങ്ങ് തുടങ്ങി.

ദ് സമ്മർ ഐ ടേൺഡ് പ്രെറ്റി

ഒട്ടേറെ ആരാധകരുള്ള പരമ്പരയാണ് ദ് സമ്മർ ഐ ടേൺഡ് പ്രെറ്റി. പരമ്പരയുടെ ഫൈനൽ സീസൺ സ്ട്രീമിങ് ആരംഭിച്ചിരിക്കുകയാണ്. ആമസോൺ പ്രൈം വിഡിയോയിലൂടെ ആസ്വദിക്കാനാകും.

മണ്ഡലാ മർഡേഴ്സ്

ഗോപി പുത്രൻ സംവിധാനം ചെയ്യുന്ന സീരിസാണ് മണ്ഡലാ മർഡേഴ്സ്. വാണി കപൂർ, സുർവീൻ ചൗള, സാമി ജോനാസ് എന്നിവരാണ് സീരിസിൽ പ്രധാന വേഷങ്ങളിലെത്തുന്നത്. ജൂലൈ 25 ന് നെറ്റ്ഫ്ലിക്സിലൂടെ സീരിസ് സ്ട്രീം ചെയ്തു തുടങ്ങും.

പൃഥ്വിരാജും കജോളും പ്രധാന വേഷങ്ങളിലെത്തുന്ന ചിത്രമാണ് സർസമീൻ. ചിത്രം ഡയറക്ട് ഒടിടി റിലീസായാണ് പ്രേക്ഷകരിലേക്കെത്തുക. ജൂലൈ 25ന് ജിയോ ഹോട്ട്സ്റ്റാറിലൂടെ ചിത്രം സ്ട്രീമിങ് തുടങ്ങും.