പിറന്നാളിന് ജാപ്പനീസ് ട്വിസ്റ്റ്; വൈറലായി മഞ്ജു വാര്യരുടെ ചിത്രങ്ങൾ

സോഷ്യൽ മീഡിയയിൽ തരം​ഗമായിരിക്കുകയാണ് നടി മഞ്ജു വാര്യരുടെ പുതിയ ചിത്രങ്ങൾ

താരത്തിന്റെ ജന്മദിനമായിരുന്നു കഴിഞ്ഞ ദിവസം.

ജന്മദിനത്തിൽ ആശംസകൾ നേർന്നവർക്ക് നന്ദി അറിയിച്ച്കൊണ്ട് നടി മഞ്ജു വാര്യര്‍ സോഷ്യൽ മീഡിയയിൽ പോസ്റ്റ് ചെയ്ത ചിത്രങ്ങളാണ് വൈറലായിരിക്കുന്നത്.

ജപ്പാനിൽ നിന്നുള്ള മനോഹര ചിത്രങ്ങൾക്കൊപ്പമാണ് മഞ്ജു വാര്യര്‍ സന്തോഷം പങ്കുവച്ചത്.

ജാപ്പനീസ് വേഷമായ കിമോണോ ധരിച്ചാണ് താരം ചിത്രങ്ങളിൽ പ്രത്യക്ഷപ്പെട്ടത്.

‘എല്ലായിടത്തുനിന്നും ഇപ്പോഴും വന്നുകൊണ്ടിരിക്കുന്ന നിങ്ങളുടെ സ്നേഹത്തിന് നന്ദി. ചെറിയ കാര്യങ്ങൾക്കും വലിയ കാര്യങ്ങൾക്കും അതിനിടയിലുള്ള കാര്യങ്ങൾക്കും, എല്ലാത്തിനും എനിക്കൊരുപാട് നന്ദി പറയാനുണ്ട്. നന്ദി, ഈ യാത്രയ്ക്കും സന്തോഷത്തിനും ശക്തിക്കും. സ്നേഹവും നന്ദിയും.’എന്നാണ് താരം കുറിച്ചത്.

ജാപ്പനീസ് തെരുവീഥികളിലും മധുരപലഹാര കടകൾക്ക് മുന്നിലും നിൽക്കുന്ന മഞ്ജു വാര്യരാണ് ചിത്രങ്ങളിലുള്ളത്.

സെലിബ്രിറ്റികളടക്കം നിരവധിപ്പേര്‍ മഞ്ജുവിന് ജന്മദിനാശംസകൾ നേർന്നിരുന്നു. താരത്തിന്‍റെ ലുക്കിനെയും ആരാധകർ പ്രശംസിച്ചു.