സമകാലിക മലയാളം ഡെസ്ക്
ന്യൂകാസില്‍ യുനൈറ്റഡിന്റെ കിരീട വരള്‍ച്ചയ്ക്ക് ഒടുവില്‍ വിരാമം.
ഇംഗ്ലീഷ് ലീഗ് കപ്പ് (കരബാവോ കപ്പ്) സ്വന്തമാക്കിയാണ് ദീര്‍ഘ നാളായുള്ള കാത്തിരിപ്പിനു അവര്‍ വിരാമമിട്ടത്.
70 വര്‍ഷമായി ഒരു കിരീടവും അവര്‍ക്കിലായിരുന്നു.
1955ല്‍ എഫ്എ കപ്പ് നേടിയതാണ് അവസാനത്തെ കിരീട നേട്ടം.
കരുത്തരായ ലിവര്‍പൂളിനെ ഫൈനലില്‍ വീഴ്ത്തിയാണ് ന്യൂകാസില്‍ ലീഗ് കപ്പ് സ്വന്തമാക്കിയത്.
ഒന്നിനെതിരെ രണ്ട് ഗോളുകള്‍ക്കാണ് ന്യൂകാസിലിന്റെ ജയം.
ഡാന്‍ ബോണ്‍, അലക്‌സാണ്ടര്‍ ഇസാക് എന്നിവരാണ് ന്യൂകാസിലിനായി വല ചലിപ്പിച്ചത്. ഫെഡറിക്കോ കിയേസയാണ് ലിവര്‍പൂളിന്റെ ആശ്വാസ ഗോള്‍ നേടിയത്.
ചാംപ്യന്‍സ് ലീഗില്‍ നിന്നു പുറത്തായ ലിവര്‍പൂളിനു ഒരാഴ്ചയ്ക്കിടെ മറ്റൊരു തിരിച്ചടി കൂടി. ലിവർപൂളിനൊപ്പം ആദ്യ കിരീടമെന്ന കോച്ച് അർനെ സ്ലോട്ടിന്റെ മോഹവും നീളുന്നു.
എഡി ഹോവ് എന്ന പരിശീലകനു കീഴില്‍ പ്രീമിയര്‍ ലീഗിലും മികച്ച പ്രകടനമാണ് ന്യൂകാസില്‍ കാഴ്ച വയ്ക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates