ഇനി ഉള്ളി കട്ട് ചെയ്യുമ്പോൾ കരയില്ല

കഞ്ഞിക്കൊപ്പം കൂട്ടുന്ന ചമ്മന്തി മുതല്‍ പതിനാറുകൂട്ടം തൊടുകറികള്‍ വിളമ്പുന്ന സദ്യവരെയുള്ള വിഭവങ്ങളില്‍ മുന്‍പന്തിയിലുള്ള പച്ചക്കറിയാണ് ഉള്ളി.

രുചിയും പോഷകങ്ങളും ധാരാളമുണ്ടെങ്കിലും തൊട്ടാല്‍ വിവരമറിയും എന്നമട്ടിലാണ് ഉള്ളിയുടെ പെരുമാറ്റം.

പക്ഷെ കറികൾക്ക് വേണ്ടി ഉള്ളി ഒന്ന് കട്ട് ചെയ്യാൻ തുടങ്ങിയാലോ, തുടങ്ങും നമ്മൾ കരയാൻ

ഉള്ളിയില്‍ ചിലയിനം എന്‍സൈമുകളും സള്‍ഫെനിക് ആസിഡും ധാരാളം അടങ്ങിയിട്ടുണ്ട്. മനുഷ്യരെ കരയിപ്പിക്കുന്നത് ഇവരാണ്.

ഉളളി മുറിക്കുമ്പോള്‍ എന്‍സൈമുകള്‍ സള്‍ഫെനിക് ആസിഡ് പുറപ്പെടുവിക്കും. ഇതോടെ പ്രൊപ്പെനതിയല്‍ ഓക്‌സൈഡുകള്‍ ഉത്പാദിപ്പിക്കപ്പെടും. ഇത് നീരാവിയായി വായുവില്‍ കലരും. വാതകരൂപത്തില്‍ അദൃശ്യരായി വന്ന് കണ്ണ് നനയിപ്പിക്കുന്നത് ഇക്കൂട്ടരാണ്.

എന്നാൽ ഉള്ളി കട്ട് ചെയ്യുമ്പോൾ കരയാതെ ഇരിക്കാനുള്ള ചില ട്രിക്കുകൾ നോക്കാം.

ഉള്ളി മുറിക്കാനെടുക്കും മുമ്പ് ഒരു 30 മിനുറ്റെങ്കിലും ഉള്ളി ഫ്രിഡ്ജില്‍ വച്ച് തണുപ്പിക്കുക.

തൊലി കളഞ്ഞതിന് ശേഷം ഉള്ളി കുറച്ച് വെള്ളത്തിൽ ഇട്ടുവെയ്ക്കുന്നത് നല്ലതാണ്.

ഉള്ളി കട്ട് ചെയ്യാൻ ഉപയോ​ഗിക്കുന്ന കട്ടിംഗ് ബോർ‍ഡിൽ കുറച്ച് വിനാ​ഗിരി തേക്കുക.

വിനാ​ഗിരി ഇല്ലെങ്കിൽ നനവുള്ള ഒരു ടവ്വൽ കട്ടിം​ഗ് ബോർഡിന് മീതെ വിരിച്ചതിന് ശേഷം ഉള്ളി കട്ട് ചെയ്താൽ കണ്ണിൽ നിന്നും കണ്ണുനീർ വരില്ല.

ഉള്ളി കട്ട് ചെയ്യുമ്പോൾ നല്ല മൂർച്ചയുള്ള കത്തി ഉപയോ​ഗിക്കുക.