കടല വെള്ളത്തിലിടാൻ മറന്നാലും ഇനി ടെൻഷൻ വേണ്ട, ചില പൊടിക്കൈകളുണ്ട്

തലേന്ന് കടല വെള്ളത്തിലിടാൻ മറന്ന് പോയാലും ഇനി ടെൻഷൻ വേണ്ട.

വെള്ളത്തിൽ കുതിർക്കാത്ത കടലയും വേവിച്ചെടുക്കാൻ ചില പൊടിക്കൈകളുണ്ട്.

ക്വിക്ക് സോക്ക്

കടല നല്ലതു പോലെ കഴുകി പ്രഷർ കുക്കറിൽ തിളച്ച വെള്ളം ചേർത്ത് 5 മുതൽ 10 മിനിറ്റ് നേരം തിളപ്പിക്കുക. തീ ഓഫ് ചെയ്ത ശേഷം ഒരു മണിക്കൂർ മൂടി വയ്ക്കാം. ശേഷം സാധാരണ പോലെ കടല വേവിക്കാം.

ബേക്കിങ് സോഡ

കടല വേവിക്കുവാൻ വെയ്ക്കുമ്പോൾ വെള്ളത്തിൽ ഒരു നുള്ള് ബേക്കിങ് സോഡ ചേർക്കുക. ഇത് കടലയുടെ പുറംതൊലി മൃദുവാക്കും, അതിനാൽ വേഗം വേവാനും സഹായിക്കും.

പ്രഷർ കുക്കർ മാർഗം

കടല നന്നതു പോലെ കഴുകി, പ്രഷർ കുക്കറിൽ കടലയുടെ മൂന്ന് മടങ്ങ് വെള്ളം ഒഴിച്ച് എട്ട് വിസിൽ വരുന്നതു വരെ വേവിക്കുക, ശേഷം പ്രഷർകുക്കറിന്റെ സമ്മർദം പൂർണമായും മാറിയ ശേഷം അൽപം ഉപ്പ് ചേർത്ത് വീണ്ടും വിസിൽ വരുന്നതു വരെ വേവിക്കാം.

ഇലക്ട്രിക് കുക്കർ

ഹൈ പ്രഷർ മോഡിൽ 35–40 മിനിറ്റ് വേവിച്ച ശേഷം, 10 മിനിറ്റ് കഴിഞ്ഞ് എടുക്കാവുന്നത്. ഇത് കടല മൃദുവാകാൻ സഹായിക്കും.